Тоқаев Мысыр халқына көңіл айтты

47

Фото: Associated Press

Қасым-Жомарт Тоқаев Мысыр Араб Республикасының президенті Әбдел Фаттах Ас-Сисиге көңіл айту жеделхатын жолдады, деп хабарлайды MediaWorld.kz Ақорданың ресми сайтына сілтеме жасап.

Мемлекет басшысы Қазақстан халқының және жеке өзінің атынан Мысыр астанасы Каир қаласында болған лаңкестік әрекеттердің салдарынан қаза тапқандардың отбасылары мен жақындарына көңіл айтып, зардап шеккендердің тез сауығып кетуіне тілектестік білдірді.

«Қазақстан Мысырмен бірлесіп, елдеріміздің бейбіт өмірін қамтамасыз ету мақсатында қазіргі заман қауіп-қатерлеріне қарсы күресте ынтымақтастықты жалғастыруға әрқашан дайын екенін атап өтемін», — деп жазды Қасым-Жомарт Тоқаев. 

Мысыр астанасының орталық бөлігіндегі Маньял ауданындағы жағалаулардың біріндегі шосседе жарылыс болды. ІІМ деректеріне сүйенсек, жарылысқа жол-көлік оқиғасы себеп болған. Автомобиль жоғары жылдамдықпен жолдың қарсы бетіне шығып, бірнеше көлікпен соқтығысқан. Содан кейін жойқын жарылыс болған.

Жарылысты Мысыр президенті теракті деген болатын.