Қарағанды облысында киік еті сатылған

181

Қарағанды облысында киік етін сатып жатыр, деп хабарлайды MediaWorld.kz  аймақтың Полиция департаментінің баспасөз қызметіне сілтеме жасап.

«Осы жылдың 5 тамызында Табиғатты қорғау полиция қызметкерлерімен  заңсыз киік аулаудың алдын алу және жолын кесу бойынша жүргізілген іс-шаралар барысында «Жезқазған-Есіл-Петропавл» тас жолында Сәтбаев қаласының аумағында Қарағанды қаласының 47 жастағы тұрғынының басқаруындағы «Тайота-Сюрф» автокөлігі тоқтатылды. Көлікке жүргізілген тексеріс жұмыстары барысында автокөліктің жүк салғыш бөлігінен 2 пакетке оралған ет тәркіленді. Көлік жүргізушісі табылған еттің киік еті екенін және оны белгісіз азаматтан сатып алғандығы туралы түсініктеме берді», — делінген мекеме таратқан хабарламада.

Аталған факті бойынша Қазақстан Республикасы Қылмыстық Кодексінің 339 бабы (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу )

Қазіргі уақытта полиция қызметкерлерімен тиісті сараптама тағайындалып, тергеу амалдары жүргізілуде.