Басты бет Қоғам Шоу-бизнес "Астана Балет" Өзбекстан Үлкен театрының сахнасында алғаш рет өнер көрсетеді

«Астана Балет» Өзбекстан Үлкен театрының сахнасында алғаш рет өнер көрсетеді

«Өзбекстандағы Қазақстан жылының» аясында танымал қазақстандық ұжымның әртістері өздерінің үздік қойылымдары мен спектакльдерін тарту етпек, деп хабарлайды MediaWorld.kz.

22 тамызда Ә.Навои атындағы Өздекстан Үлкен театрының сахнасында «Ұлы Дала мұрасы» бағдарламасы мен «A Fuego Lento» бір актілі балеті көрсетіледі. Ал, тамыздың 24 мен 25 күндері А.Меликовтың «Махаббат туралы аңыз» атты әйгілі шығармасы көрсетіледі.

Ташкент қаласына алғашқы гастролін «Астана Балет» Театры » Ұлы Дала мұрасы» бағдарламасымен ашпақшы. Театрымызды әйгілеп тұратын осы концерттік бағдарлама Қазақстан, Еуропа мен Американың ірі қалаларында көрермен ықыласына бөленген болатын. Себебі, мұнда ұлттық бояуы қанық халық биі ұлттық костюмдер мен музыкалық сүйемелдеумен үйлесім тапқан. Бұл дивертисмент Ұлы Даланың жылнамасына арналған, түрлі стильде жасалған хореографиялық миниатюралардан құралған.

Хореография салтанатының шымылдығын «A Fuego Lento» бір актілі балеті жабады. Неоклассика мәнерінде жасалған спектакльді Бразилядан шақырылған хореограф Рикардо Амаранте қойған. Бұл балет – бразилиялық самбо мен танго мәнеріндегі би ғажайыбы. Бұл қойылымды көрермендер де, балет әртістері де өте ұнатады. Себебі, мұнда құштарлық сезімі, орындаушылықтың зор шыңы көрініс тапқан.

Гастрольдің қалған күндері аңызға айналған «Махаббат туралы аңыз» балеті көрсетілмек. Үш көріністен тұратын балет бастапқыда Мариин театрында көрсетіліп, соңынан Үлкен театр сахнасына ауысты. Қоюшы-хореограф Юрий Григорович. «Астана Балет» театрының сахнасына лайықтап, спектакльдің бүге-шүгесіне дейін, мейлінше дәл қойған Юрий Григоровичтің ассистенттері – Руслан Пронин мен Оксана Цветницкая. Бір кездері Үлкен театр салисттері болған олар, осы күні әйгілі балетмейстердің туындыларын Ресей, Корея, Қытая, Германия мен Бельгияның әйгілі сахналарына лайықтап келеді.

Сюжет негізі – ежелгі парсы аңызы. Апалы-сіңілілі Мехменэ Бану мен Шырын сарай суретшісі Фархатқа ғашық болып қалады. Бозбаланың көңілі Шырынға ауып, Мехменэ Банумен арадағы қатынасы мүмкін болмайды. Себебі, бір кездері патшайым, сырқатқа шалдыққан сіңілісін аман алып қалу үшін сұлулығын тәрк еткен. Сарайдан қашып кеткен ғашықтарды сарбаздар қолға түсіреді. Фархат болса, халқының амандығы үшін махаббатынан бас тартады.

Кордебалеттің орасан сахналары мен төрт бас кейіпкердің эмоционалды монологтарын орындаған «Астана балет» театрының әртістері осы танымал туындыға өз нақышын, өз бояуын сіңіріп, спектакльді жаңа қырынан ашады. Әуелеп секіру мен өзге де би элементтері адам мүмкіндігінің шегінде жасалғандай әсер қалдырады.

«Астана Балет» театры 2012 жылы Елбасы Нұрсұлтан Назарбаевтың бастамасымен құрылған. 2013 жылдың шілде айында алғашқы қойылым көрсетіліп, бес жыл ішінде, театр өз еліміз бен шет елдерде ынтызар көрермен қатарын молайтты. Классикалық мұраның жауһарлары мен заманауи балет өнерін ұштастыра отырып, Театр ұлттық бидің де тың тынысын ашқандай. Астаналық ұжым Ресей, Қытай, АҚШ, Әзербайжан, Франция, Италия, Белоруссия, Бельгия, Жапония мен Польшаның әйгілі театрларында өнер көрсеткен.

«Астана Балет» театры өз елімізбен қатар, Ресей, Қытай, АҚШ, Әзербайжан, Франция, Италия, Белоруссия, Бельгия, Жапония мен Польша сынды елдердің айтулы сахналарында бағдарламаларын паш етіп, көрермен көзайымына айналған.

 

 

 

 

Соңғы жаңалықтар

Қызылордадағы жол апаты: аялдамада тұрған бір үйдің екі баласы қаза болды

Бүгін, 21 қарашада Қызылорданың Назарбаев даңғылында болған жол апатынан екі оқушы көз жұмды, деп хабарлады Sputnik Қазақстан облыстық полиция департаментіне сілтеме жасап. Ресми мәліметке сәйкес,...

Қызылордада Toyota Camry аялдамада тұрған адамдарды соқты: үшеуі көз жұмды (видео)

Қызылордада Toyota Camry көлігінің жүргізушісі автобус аялдамасында тұрған адамдарды соқты, салдарынан оқиға орнында үш тұрғын көз жұмды, деп хабарлады Sputnik Қазақстан Қызылорда облысы полиция...

Шымкенттің автобус жүргізушілері мен кондукторлары наразылыққа шықты (видео)

Шымкентте автобус жүргізушілері мен кондукторлар жұмысқа шығудан бас тартып отыр, деп хабарлайды «Астана» телеарнасы. «Shymkent Bus» автопаркінің елуге тарта қызметкері жұмыс берушінің жалақы сұрап барғандарды...

Тек Димаш үшін ғана Жапония ән байқауы шартын өзгертті (видео)

Димаш Құдайберген үшін ғана ABU TV Song Festival 2019 халықаралық байқауының ұйымдастырушылары өз шарттарын өзгертіп, оған үлкен құрмет әрі ерекше ізет көрсетті, деп хабарлайды...

Кем дегенде 20 жылға сотталады: бас прокуратура жаңа заң жобасын таныстырды

Бас прокуратура педофилия үшін қылмыстық жауапкершілікті күшейтуге арналған заң жобасын депутаттарға таныстырды, деп хабарлайды Sputnik Қазақстан. Бас прокурордың орынбасары Марат Ахметжановтың айтуынша, жыныстық қатынасқа қатысты...

Шымкентте аурухана бас дәрігері адам органдарын заңсыз алғаны үшін ұсталды

Ағымдағы жылдың 18 қарашасында ІІМ тергеу басқармасы Шымкент қаласындағы №1 қалалық клиникалық ауруханасының бас дәрігері Донбай Абылай Абдужаппарұлын ұстап, қамауға алды, деп хабарлайды Zakon.kz...

Сөгіс пен жұмыстан шығару – Тараз полициясының бастықтары жазаланды

Облыс әкімі Асқар Мырзахметовтің тапсырмасымен мектептерде оқушылардың қауіпсіздігін қамтамасыз етудегі кемшіліктерді анықтау, оның ішінде мектеп инспекторлары мен бейнекамералардың жетіспеушілігі, оқу орындарының аумағында қоршаудың, санитарлық...