БҚО-да колледж ғимараты құлады

51

Батыс Қазақстан облысы Бәйтерек ауданы Калинин ауылындағы колледждің ғимараты құлады, деп хабарлайды MediaWorld.kz агенттігі «Хабар 24» арнасына сілтеме жасап.

ТЖД ақпаратына қарағанда, қабат арасындағы жабыны ескіргеннен құлаған. Оның аумағы 80 шаршы метр болған. Ешкім зардап шеккен жоқ. Сарапшылар комиссиясы төрт жыл бұрын ғимаратта апат болуы мүмкін деген шешім шығарып, ондағы оқу процесі тоқтатылған.

Қазір қайта жөндеу жұмыстары үшін жобалық-сметалық құжаттар жасалып жатыр. Ғимарат 1980 жылы салынған.