Басты бет Оқиға Жол-көлік оқиғасы Шамалғандағы жол апаты: Автобустан 16 жолаушы түсіп үлгерген

Шамалғандағы жол апаты: Автобустан 16 жолаушы түсіп үлгерген

Фото: pixabay.com

ҚР ІІМ баспасөз қызметі Алматы облысындағы жолаушылар пойызының жолаушылар автобусымен соқтығысу фактісі бойынша тағы ақпарат таратты, деп хабарлайды MediaWorld.kz.  

«ЖКО салдарынан автобус жүргізушісі оқиға орнында көз жұмды. Автобустың 3 жолаушысы түрлі жарақаттарымен Қарасай ауданының ауруханасына жеткізілді. Оның біреуі екі кішкентай баласы бар (5 және 3 жастағы)1986 ж. т. әйел адам. Автобустың қалған жолаушылары анықталуда», — делінген хабарламада.

Аталған факті негізінде ҚР ҚК-нің 345-бабы 3-бөлімі («Автомобильді, троллейбусты, трамвайды немесе басқа да механикалық көлік құралын жүргізуші адамның абайсызда адам денсаулығына орташа ауырлықтағы зиян келтіруге әкеп соққан және абайсызда адам өліміне әкеп соққан жол қозғалысы немесе көлік құралдарын пайдалану ережелерін бұзуы») және ҚР ҚК 344-бабы 2-бөлігі бойынша сотқа дейінгі тергеп-тексеру басталды («темір жол, әуе, теңіз немесе өзен көлігін пайдалану немесе қозғалыс қауіпсіздігі ережелерін орындайтын жұмысына немесе атқаратын қызметіне байланысты осы ережелерді сақтауға міндетті адамның бұзуы, егер бұл әрекет абайсызда адамның денсаулығына ауыр немесе орташа ауырлықтағы зиян келтіруге не ірі залал келтіруге әкеп соқса және абайсызда адам өліміне әкеп соқса»).

Автобуспен соқтығысқан жолаушылар пойызы электровоз және 703 жолаушысы бар 19 вагоннан тұрады. Тергеу барысында өткелдегі кептеліс екі бағытта да 18 сағат 30 минутта пайда болғаны анықталды. Ал 19 сағат 05 минутта бағдаршамның тыйым салатын сигналы жанып, жоғарыда көрсетілген электровоздың жақындағаны туралы алдын ала ескерту сигналы берілген. Темір жол өткелінде сол кезде автокөлік құралдары, оның ішінде жоғарыда көрсетілген жолаушылар автобусы болған. Орнатылған датчиктер өтелді бөгеу құрылғысының автоматты іске қосылуына мүмкіндік бермеді. Автобус қауіпсіз жерге келе алмады, өйткені оның алдында және артында басқа автокөлік құралдары болған.

« Автоматтандырылған шлагбаум төменге шекті мөлшерге дейін түспеген. Ол жолаушылар автобусының төбесіне жақындап барып тоқтап қалған. Автобус жүргізушісі есіктерін ашып, жолаушыларды (19 жолаушының 16-сы автобустан түсіп үлгерді) түсіре бастады. Жолаушылар автобусымен соқтығысқан электровоз Алматы-1 стансасының депосына жеткізіліп, басқа электровозбен ауыстырылды, жолаушылар пойызының құрамы өзінің маршруттық жолын 22 сағат 00 минутта жалғастырды. Оқиға орнында ҚР ІІМ-нің, Алматы облысы және көліктегі департаменттердің жедел-тергеу топтары жұмыс істеуде. Оқиғаның барлық мән-жайы тергеу барысында анықталады», — деп хабарлады ІІМ баспасөз қызметі.

Анықтама:

Апаттылықтың негізгі себептері жүргізушілердің өте төмен тәртібі болып табылады, бүгінде  жүргізушілер жасаған ЖКО-ы 96%-ды құрайды.

Автобус жүргізушілерінің кінәсінен ағымдағы жылы 316 ЖКО тіркелді (3%), онда 51 (3,8%) адам қаза тауып, 553 (4,1%) адам жарақат алды.

Бұған дейін ІІМ аталған жол-көлік оқиғасына қатысты ҚР Қылмыстық кодексі 344-бабының 2-тармағына сәйкес сотқа дейінгі тергеу амалдары басталғанын хабарлады.

Жолаушылар пойызының машинисі жедел тежегішті іске қосқанымен, арақашықтықтың аздығынан қақтығыстың алдын ала алмаған.

Соңғы жаңалықтар

Қаза оразаны өтеу: 1700 теңгені кімдер береді

Қазақстан мұсылмандары діни басқармасы шариғат және пәтуа бөлімінің маманы Медет Құрмашұлы қаза оразаны өтей алмаған жағдайда не істеу керектігін айтты, деп хабарлайды Sputnik Қазақстан...

Коронавирус Уханьдағы базардан тараған жоқ – Қытай ғалымдары

Коронавирус ең алғаш Уханьдағы базардан тараған жоқ. Бұл туралы Қытайдың ауруларды бақылау және алдын алу орталығының ғалымдары мәлімдеді, деп жазады Sputnik Қазақстан. Мамандар Ухань базарындағы...

Қазақстанның шығысында ұшақ өртенді

Қазақстанның шығысында Үржар әуежайында Ан-2 ұшағы өртенді, деп хабарлайды Sputnik Қазақстан азаматтық авиация комитетіне сілтеме жасап. Оқиға сағат 15:31-де, әуе кемесі қонғаннан кейін алты минуттан...

Мұсылман зиратына тасталған нәресте шетінеп кетті

Қостанай облысында мұсылман зиратынан тастанды шақалақ табылды. Безбүйрек анасы бейітке қалдырып кеткен сәби шетінеп кетіпті, деп хабарлайды КТК телеарнасы. Пакетке оралған баланы ата-бабасына тағзым етуге...

Нұр-Сұлтанда жол апаты болды — 13 адам ауруханаға жеткізілді

Елордада сағат 18:00-де "КамАЗ" пен автобус соқтығысты, деп хабарлайды Sputnik Қазақстан полиция департаментіне сілтеме жасап. Құқық қорғау органының мәліметіне сәйкес, "КамАЗ" Ақжол көшесімен қозғалып келе...

Қордайдағы оқиға: Қамауға алынған кейбір күдіктілер босатылды

Қордай ауданындағы жаппай тәртіпсіздіктерге қатысы бар кейбір адамдар қамаудан босатылды, деп мәлімеді ҚР БП арнайы прокурорлары қызметінің жетекшісі Ризабек Ожаров ОКК-да өткен брифингте, деп...

1 маусымнан бастап елімізде қандай нысандар іске қосылады

Ведомствоаралық комиссия блок-бекеттерді алып тастау және бірқатар саланың жұмысын жандандыру туралы шешім қабылдады, деп хабарлайды zakon.kz. Бүгін ҚР Премьер-Министрінің орынбасары Ералы Тоғжановтың төрағалығымен Коронавирустың таралуына...