Еңбек және халықты әлеуметтік қорғау министрі Біржан Нұрымбетов 11 мамырдан бастап 42500 теңгеге әлеуметтік төлемді алуға өтініш беру тоқтатылғанын мәлім етті деп жазады KAZ.NUR.KZ порталы.
Бұл туралы министр Хабар 24 арнасындағы онлайн брифинг барысында айтты.
«Бүгін төтенше жағдай мерзімі аяқталды. Сол себепті біз де бүгіннен бастап жаңа өтініштерді қабылдауды тоқтатамыз», — деді ол.
Нұрымбетовтың сөзінше, 11 мамырға дейін жіберілген өтініштердің барлығы міндетті түрде қаралады.
Министр бүгінге дейін 4 миллион 539 мың адамға 42 500 теңге төленгенін алға тартты. Оның жалпы сомасы 193 млрд теңге.
«Оның ішінде осы төтенше жағдайдың бірінші айында, яғни 16 сәуірге дейін 3 млн 735 мың адам өтініш берген. Осы адамдар екінші айға да төлем алуға құқылы. Мамыр айының басында ол төлемдерді іске асыра бастадық», — деді Нұрымбетов.
Оқи отырыңыз:
- Полицейлер адасып кеткен 4 жасар баланы ата-анасымен қауыштырды
- Қазақстанда соңғы қоңыраудың қалай өтетіні белгілі болды
- 11 мамырдан кейінгі тіршілік: бас санитардың жаңа қаулысы шықты
Фото pixabay.com сайтынан алынды
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
