Коронавирустың таралуына байланысты Алматы облысында Заречный кенті карантинге жабылды. Бұл туралы облыс әкімінің баспасөз қызметі мәлімдеді деп хабарлайды KAZ.NUR.KZ.
«Бүгін Қапшағай өңірінде COVID-19 індетін жұқтырған 13 адам тіркелді. Олардың бесеуі Қапшағай қаласында, алтауы Заречный кентінде анықталса, екі адам – Атыраудан жеткізілген «Теңізшевройл» ЖШС-ның вахталық жұмысшылары. Ауырғандардың үлкені 1958 жылы туған азамат, кішісі – 8 айлық бала. Қазіргі уақытта Қапшағай өңірінде жалпы саны 15 адам тіркеліп отыр. Осыған байланысты Қапшағай қалалық штабтың шешімімен Заречный кентінде бүгіннен бастап карантин енгізілді», — деп хабардар етті әкімдіктен.
Сондай-ақ, коронавирус табылған адамдардың барлығы тиісті ем алу үшін медицина мамандарының бақылауына алынған.
Сонымен қатар COVID-19 жұқтырғандармен байланыста болған 187 адам анықталған. Олардың 24-і – жақын, 163-і – сырттай қарым-қатынаста болғандар.
Қазір науқастармен байланыста болғандар оқшауланып, эпидемиологиялық тексерулер жүргізілуде.
Бұған дейін Алматы облысындағы Жаркент қаласының 30 сәуір сағат 00.00-ден бастап карантинге жабылатыны хабарланған еді.
Оқи отырыңыз:
- Карантиннен кейін қазақтың тойы қалай өзгереді?
- Қордайдағы жаппай тәртіпсіздікке себеп болғандар сотталды
- Зейнетақы жинағы азайып қалса, мемлекет өтеп береді
Фото pixabay.com сайтынан алынды
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
