Басты бет Оқиға Қылмыс Алматыда белгісіз азамат әншіні көшеде тонап, зорламақ болған

Алматыда белгісіз азамат әншіні көшеде тонап, зорламақ болған

Алматыда белгілі әнші Уатхан Заханқызына белгісіз азамат шабуыл жасады. Жәбірленушінің сөзінше, қаскөй көлікті жылытып жатқанда ішіне отырып алған. Ол бастапқыда қызды тонап, артынша зорламақ болған деп хабарлайды KAZ.NUR.KZ.

Орындаушының сөзінше, оқиға 11 қаңтардан 12 қаңтарға қараған түні болған. Кешкі 11 шамасында ол көлігін жылытып жатқанла қаскөй ішіне кіріп алған.

Осылайша, ол бойжеткенің тамағына пышақ тақап, айтқанын істеуді бұйырады.

Артынша бетперде мен қолғап киген азамат қыздың аузын жауып, ұялы телефонын тартып алады. Ол бойжеткенге қайда жүру керек екенін көрсетіп отырады.

Біршама уақыттан соң шабуыл жасаушы мен әнші «Татарка» ауданына жеткен. Сол кезде арам пиғылды азамат арудың қолын байлап, шотындағы ақшаларын аударып алады.

Ісін бітірген соң ол бойжеткенді зорламақ болады. Алайда, әнші өзінің екіқабат екенін айтып, алдап, аман қалады.

Кейіннен күдікті байлаулы қолымен қаланы аралаған қыздан кіммен және қайда тұратынын сұрап, сонда бағыт алады. Жігіт дүкеннен спирттік ішімдік сатып алып, қызбен көліктің ішінде бір сағатқа жуық әңгімелеседі.

Артынша олар Рысқұлов көшесіне бағыт алған. Авто тағы бір рет тоқтағанда, қаскөй бетпердесін шешіп, жәбірленушімен сөйлеседі. Осы тұста әнші оның бет-әлпетін, тіпті, дауысын есте сақтап қалады.

10 минут әңгімелескен соң азамат таксиге отырып, кетіп қалған. Артынша анықталғандай, күдікті қызға шабуылдаған жерге бет алыпты. Сол мекенжайда оның көлігі тұрған екен.

Күдікті кеткен соң Уатхан Заханқызы бірден полицияға аттанады. Жәбірленушіні тыңдаған тәртіп сақшылары үш күннің ішінде күдіктіні қолға түсірген.

Кейіннен әншінің жалғыз құрбан емес екені анықталды. Қазір қылмыскер тергеу изоляторында.

Орындаушы бұл жайында Facebook желісіндегі НеМолчиkz парақшасында баяндады.

Оқи отырыңыз:

Соңғы жаңалықтар

Халықаралық әуе рейстерінің қайта жанданғаны рас па: комитет жауап берді

Азаматтық авиация комитеті халықаралық рейстерге билет алушыларға үндеу жасады. Мамандардың айтуынша, әуе билеттерін сату және сатып алу халықаралық рейстердің ашылғанын білдірмейді деп хабарлайды KAZ.NUR.KZ...

Бурабайда полиция қызметкері адам қағып өлтіріп, қашып кеткен

Полиция қызметкері тағы да жол апатын жасады! Жылдамдықты шамадан тыс асырған шенді тәртіп сақшысы Бурабайға кіре берісте адам қағып кеткен, деп хабарлайды КТК телеарнасы. Нұрлан...

Ақтөбеде хром қосылыстары зауытында 4 адам көз жұмды

Техника қауіпсіздігі ережесін бұзу салдарынан Ақтөбе хром қосылыстары зауытының төрт қызметкері қаза болды, деп хабарлайды Sputnik Қазақстан. Оқиға 28 мамыр күні "АХҚЗ" АҚ-ның №4 цехында...

Тепловизор және дезинфекция түнелі: ҰБТ тапсыру орындары қалай жабдықталады

Қазақстанда мектеп түлектері ҰБТ-ны карантинге байланысты ерекше санитарлық жағдайда тапсырады, деп жазады Sputnik Қазақстан.   Ұлттық бірыңғай тестілеу өткізілетін орындар тепловизор, дезинфекция түнелі және аяқ киімді...

Сөмкесінен екі бума ақша шықты – әкімдіктің лауазымды тұлғасы ұсталды

Ақтөбе қаласы әкім аппаратының лауазымды тұлғасы парамен ұсталды. Сыбайлас жемқорлыққа қарсы іс-қимыл агенттігі шенеунікті ұстау видеосын жариялады, деп хабарлайды Sputnik Қазақстан. Видеода құқық қорғаушылардың сөмкеден...

Әкімнің заңсыз әрекеті әшкере болды — видео

Сыбайлас жемқорлыққа қарсы іс-қимыл агенттігі Түркістан облысында пара алған әкім ұсталғанын мәлімдеді, деп хабарлайды Sputnik Қазақстан. Ресми мәліметке сәйкес, Келес ауданына қарасты Жамбыл ауылдық округының...

1-сыныпқа баратын балалардан тест алуға ешкімнің қақы жоқ

Балаларды бірінші сыныпқа қабылдаған кезде мектеп олардан тест алуға құқылы емес. Бұл туралы Алматы қаласының білім сапасын қамтамасыз ету департаментінің басшысы Гүлнәр Ермекбаева мәлімдеді,...