Алматы тұрғындары карантин кезінде үйде той өткізуге тырысты. Полицейлер жасырын жиынның үстінен түсті, деп хабарлайды Sputnik Қазақстан.
StopCov Almaty мәліметіне сәйкес, қала тұрғындары енгізілген қатаң шектеу шараларына қарамастан, 30 адамның басын қосып, үйлену тойын ұйымдастырған.
«Той Ақжар шағын ауданы Жаңашаруа көшесіндегі үйлердің бірінде болды. Наурызбай ауданы тауарлар мен қызметтердің сапасы мен қауіпсіздігін бақылау комитетінің қызметкерлері жергілікті полициямен бірлесіп, салтанатты жиын қызған уақытында үстінен түсті. Отбасылық шара тоқтатылды», — деп хабарлады басқарманың баспасөз қызметі.
Айта кетсек, Қазақстанда коронавирусқа байланысты бесінші шілдеден бастап екі аптаға карантин шарасы күшейтілді. Тұрғындарға қонақ шақырып, отбасылық, діни жиын және басқа да салтанатты шара өткізуге тыйым салынды.
Фото pixabay.com сайтынан алынды
Оқи отырыңыз:
- COVID-19: министр қандай дәрілер көмектеспейтінін айтты
- «Бұған жол беруге болмайды»: Тоқаев жұртты алаңдатқан мәселе туралы айтты
- Ресей елшілігінің кеңесшісі домбыра тартты – видео
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
