Жақын арада Қарағанды облысының тұрғындары коронавирусқа тест тапсыра алады. Бұл туралы арнайы брифингте Қарағанды облысының денсаулық сақтау басқармасының басшысы Ержан Нұрлыбаев мәлімдеді, деп хабарлайды zakon.kz.
Коронавирус тестін жалпыға пайдалану туралы қоғамда сұрақтар көп. 100 мың экспресс-тест сатып алынды. Жақын арада біздің емханаларда жедел талдау жасайтын тесттер пайда бола бастайды. Тестілеу Қарағанды облысының тұрғындары үшін қолжетімді болады, — деді Нұрлыбаев.
Айта кетелік, Қарағанды облысында коронавирус инфекциясының 7 жағдайы анықталған.
Қазіргі уақытта олардың жағдайы қанағаттанарлық деңгейде. Қажетті дәрі-дәрмектер толықтай қолжетімді. Қарағанды облысында бүгінде 509 адам тәулік бойы жұмыс істейтін ауруханаларда карантинге жатқызылған. 421 адам үйінде оқшауланған, — деп толықтырды сөзін Қарағанды облысы денсаулық сақтау басқармасының бастығы.
Естеріңізге сала кетейік, 30 наурыздан бастап Қарағанды қаласымен қатар Теміртау, Саран, Шахтинск және Абай қалалары да карантинге жабылады.
Оқи отырыңыз:
- Тәжікстан елінен 24 қазақстандық елге жеткізілді
- Төтенше жағдай кезінде әлеуметтік төлем таксистер мен бала күтушілерге де төленеді
- Танымал қазақстандық спортшылар Олимпиадаға қатысты пікір білдірді
Фото pixabay.com сайтынан алынды
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай—ақ біздің Facebook –тегі тобымызға қосылыңыз
