Балалар омбудсмені Аружан Саин екі жылға дейін той өткізуге тыйым салуды ұсынды деп хабарлайды KAZ.NUR.KZ.
Қоғам қайраткері өз ұсынысын Facebook желісіндегі парақшасында жариялады.
Ол Дүниежүзілік денсаулық сақтау ұйымы мен өзге де көптеген ғалымдардың әлемдік пандемияның 2022 жылға дейін созылатынын болжағандарын атап өтті.
«Өткен тұмау індеттерінің даму қарқыны мен коронавирустың таралу жылдамдығын негізге ала отырып, ғалымдар COVID-19 инфекциясы алдағы бір жарым-екі жылға дейін басылмайды деген қорытындыға келді. Егер адамдар жаппай вирус жұқтырып жатса, ешқандай денсаулық сақтау жүйесі мұндай жүктемені көтере алмайды. Егер адамдар байланыс көп орнайтын түрлі тойлар мен жиындарға қатысып, сосын жұмысқа келсе, ешқайсымыз қауіптен сақтана алмаймыз», – деді Саин.
Ол сондай-ақ бұл мәселенің балабақшалар мен мектептердегі балаларға да қатысты екенін атап өтті.
«Иә, балалар инфекцияны жеңіл өткізеді, алайда, коронавирустың нақты салдарын ешкім білмейді. Бірақ балалар COVID-19 инфекциясын тасушы бола алады, сол арқылы вирусты жақындарына, ересек адамдарға, аталары мен әжелеріне жұқтыра алады», – деді қоғам қайраткері.
Ол сондай-ақ адамдардың той секілді іс-шараларға нисие алса, пандемияға байланысты қалыптасқан экономикалық дағдарыс жағдайында қарыздарын қайтара алмайтынын жеткізді.
Фото: facebook.com/aruzhan.sain
Оқи отырыңыз:
- Тоқаев теңге бағамына қатысты бірқатар тапсырма берді
- Иранда журналист Рухолла Зам өлім жазасына кесілді
- Моңғолияда адамды бір күнде өлтіретін бубон обасы тарай бастады
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
