Түркістан облысындағы былтырғы апат — Арыстағы жарылысқа қатысты күдікке ілінген әскерилер сот алдында жауап бере бастады, деп хабарлайды КТК телеарнасы.
Күдіктілер саны – 16. Қазірдің өзінде жылдың ең маңызды процесі делініп жатқан Шымкент гарнизоны әскери сотындағы істе жәбірленушілердің саны мың жарым адамнан көп.
Күдікке ілінген әскерилердің барлығы Арыстағы жарылысқа дейін шенді офицерлер болған. Мәселен, № 44859 әскери бөлімінің командирі мен оның артиллериялық оқ-дәрі орналасқан қоймаға жетекшілік еткен орынбасары бар. Екі офицерге Қылмыстық кодекстің «Жарылғыш заттарды қолдану ережелерін бұзу» және «Абайсызда кісі өліміне немесе өзге де ауыр зардаптарға әкелу» бабымен іс қозғалған. Жалпы істің 400 томнан асып кеткеніне қарағанда, процесс ұзаққа созылатын түрі бар.
Былтыр 24-маусымда Арыс қаласындағы жарылғыш заттар сақталған қоймада бірнеше күн қатарынан жарылыс болған. Апат салдарынан бір тұрғын мен екі әскери қызметкер қаза тапты. 200-ден астам адам түрлі жарақат алды. Арасында балалар да бар. Ол кезде де Арыс қаласының бүкіл тұрғындары көшірілген. Күллі әлемге танылған төтенше жағдайдан соң президент Тоқаев сол кездегі қорғаныс министрі Сәкен Жасұзақовты қызметінен шеттетіп, лауазымды талай шенді қатаң ескерту алған.
Оқи отырыңыз:
- Павлодар облысында адамдарға қарсы оқ атуға бұйырған полицей жұмыстан босатылды (видео)
- Карантин жағдайында энергетиктер қалай жұмыс істеді
- Үшжақты операция сәтті жасалды: астанада әйел ерекше жағдайда босанды
Фото: видеоның скриншоты
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
