Басты бет Экономика Қаржы Асқар Мамин Ресейдегі миллиардер әйелмен кездесті

Асқар Мамин Ресейдегі миллиардер әйелмен кездесті

Қазақстан Республикасының премьер-министрі Асқар Мамин жұмыс сапарымен Ресей Федерациясына барды, деп хабарлайды MediaWorld.kz Үкімет басшысының ресми сайтына сілтеме жасап.

Татарстанда Асқар Мамин РФ Үкіметінің төрағасы Дмитрий Медведевпен кездесті. Екі елдің Премьер-Министрлері Қазақстанның Тұңғыш Президенті – Елбасы Нұрсұлтан Назарбаев пен Ресей президенті Владимир Путин негізін салып, дамытқан стратегиялық әріптестік пен одақтастықтың жоғары деңгейін атап өтті. Тараптар биыл сәуір айында ҚР президенті Қасым-Жомарт Тоқаевтың Ресейге ресми сапары аясында қол жеткізілген келісімдерді іске асыру барысын талқылады.

Үкіметаралық келіcсөздер сауда-экономикалық, инвестициялық ынтымақтастықты, өнеркәсіптік кооперацияны одан әрі арттыруға, энергетика, ауыл шаруашылығы, көлік салаларындағы өзара іс-қимыл мәселелеріне арналды. Кездесуде сонымен қатар шекара маңы және интеграциялық ынтымақтастықтың өзекті мәселелері қаралды.

Ресей — Қазақстанның басты сауда серіктесі. Өткен жылы екі жақты сауда көлемі 13%-ға артып, $18,5 млрд-қа жетті. 2019 жылғы жарты жылдықтың қорытындысы бойынша тауар айналымы $8,8 млрд құрады.

«Жеткізілетін тауарлар мен қызметтердің номенклатурасын кеңейту, біздің бизнес-қауымдастықтар арасында тікелей байланыс орнату, сондай-ақ, үшінші елдер нарықтарына тауарларды ілгерілету бойынша бірлескен жұмыстарды жалғастыру қажет», — деп Асқар Мамин, ресейлік нарыққа 60-тан астам позиция бойынша қазақстандық тауарларды жеткізудің жоғары әлеуетін атап өтті.

Қазақстандық-ресейлік ынтымақтастықтың басты бағыттарының бірі — өнеркәсіптік кооперация.

Жұмыс сапары барысында ҚР Премьер-Министрі Татарстанның алдыңғы қатарлы өнеркәсіптік кәсіпорындарын, атап айтқанда, «КАМАЗ» ЖАҚ-ты аралады.

ҚР және РФ-тің өнеркәсіптік кооперация саласындағы Бірлескен іс-қимыл бағдарламасы аясында «Агромашхолдинг KZ» қазақстандық компаниясы мен «КАМАЗ» бірлесіп бірқатар жобаларды жүзеге асыруда, оның ішінде жүк автомобильдерінің белдіктерінің редукторларын және арнайы техника өндіретін зауыт құрылысы бар.

Бұған қоса, Асқар  Мамин «Татнефть» компаниялар тобына кіретін «Танеко» мұнай өңдеу зауытына барды. Татарстан астанасында ҚР Үкіметінің басшысы Қазан тікұшақ зауытында болып, «Химград» технополисін аралады.

Қазанда Асқар Мамин «Wildberries» жетекші ресейлік халықаралық интернет дүкенінің бас директоры Татьяна Бакальчукпен кездесу өткізді, онда компанияның Қазақстанда сауда-логистикалық орталықтарды салу және бизнесті кеңейту жөніндегі жоспарлары талқыланды.

Келіссөздердің қорытындысы бойынша «Астана» халықаралық қаржы орталығы мен «Wildberries» компаниясы арасында Өзара түсіністік туралы меморандумға қол қойылды, сондай-ақ, АХҚО қатысушысы ретінде  «Wildberries» тіркелу туралы сертификат берілді.

Жұмыс сапары аясында Қазақстан Премьер-Министрі Асқар Мамин Ресей Үкіметінің басшысы Дмитрий Медведевпен бірге «WORLDSKILLS  KAZAN 2019» чемпионатының ашылу салтанатына қатысты. Чемпионат қарсаңында Асқар Мамин WorldSkills стандарттары бойынша кәсіби шеберліктен Қазақстанның ұлттық құрамасымен кездесіп, оларға жарыстарда сәттілік тіледі.

Соңғы жаңалықтар

Қаза оразаны өтеу: 1700 теңгені кімдер береді

Қазақстан мұсылмандары діни басқармасы шариғат және пәтуа бөлімінің маманы Медет Құрмашұлы қаза оразаны өтей алмаған жағдайда не істеу керектігін айтты, деп хабарлайды Sputnik Қазақстан...

Коронавирус Уханьдағы базардан тараған жоқ – Қытай ғалымдары

Коронавирус ең алғаш Уханьдағы базардан тараған жоқ. Бұл туралы Қытайдың ауруларды бақылау және алдын алу орталығының ғалымдары мәлімдеді, деп жазады Sputnik Қазақстан. Мамандар Ухань базарындағы...

Қазақстанның шығысында ұшақ өртенді

Қазақстанның шығысында Үржар әуежайында Ан-2 ұшағы өртенді, деп хабарлайды Sputnik Қазақстан азаматтық авиация комитетіне сілтеме жасап. Оқиға сағат 15:31-де, әуе кемесі қонғаннан кейін алты минуттан...

Мұсылман зиратына тасталған нәресте шетінеп кетті

Қостанай облысында мұсылман зиратынан тастанды шақалақ табылды. Безбүйрек анасы бейітке қалдырып кеткен сәби шетінеп кетіпті, деп хабарлайды КТК телеарнасы. Пакетке оралған баланы ата-бабасына тағзым етуге...

Нұр-Сұлтанда жол апаты болды — 13 адам ауруханаға жеткізілді

Елордада сағат 18:00-де "КамАЗ" пен автобус соқтығысты, деп хабарлайды Sputnik Қазақстан полиция департаментіне сілтеме жасап. Құқық қорғау органының мәліметіне сәйкес, "КамАЗ" Ақжол көшесімен қозғалып келе...

Қордайдағы оқиға: Қамауға алынған кейбір күдіктілер босатылды

Қордай ауданындағы жаппай тәртіпсіздіктерге қатысы бар кейбір адамдар қамаудан босатылды, деп мәлімеді ҚР БП арнайы прокурорлары қызметінің жетекшісі Ризабек Ожаров ОКК-да өткен брифингте, деп...

1 маусымнан бастап елімізде қандай нысандар іске қосылады

Ведомствоаралық комиссия блок-бекеттерді алып тастау және бірқатар саланың жұмысын жандандыру туралы шешім қабылдады, деп хабарлайды zakon.kz. Бүгін ҚР Премьер-Министрінің орынбасары Ералы Тоғжановтың төрағалығымен Коронавирустың таралуына...