Асылып өлген адам вирус жұқтырған болып шықты, деп хабарлайды КТК телеарнасы.
Редакцияға Түркістан қаласынан хабарласқан тұрғындардың сөзінше, Нұр-Сұлтанда тұрып жатқан бауыры өзіне қол жұмсап қайтыс болған. Елордадан бауырларының денесін күтіп отырғанда, жергілікті әкімдіктен келгендер марқұм короновирус жұқтырған депті.
Шенеуніктердің сөзінше, марқұмды мәйітханада тексергенде СОVID-19 вирусы анықталған. Ал елордалық дәрігерлер анықтамаға буынып өлгенін анық жазып беріпті. Сондықтан мәйітті де туыстарының қолына бере салған. Вирус жұқтырды деген сараптама қорытындысы Түркістан облысына мәйіттен кейін ілі-шала жеткен. Ауруға қатысты нақты қорытындыны білмей тұрып, мәйітті неге туыстарына бергенін Нұр-Сұлтан қалалық денсаулық сақтау басқармасы әзірге түсіндірген жоқ. Ал мәйітті алып келген үш адам енді карантинге жатуы тиіс.
Тәжібек Мұсаев, Түркістан қаласы әкімінің орынбасары:
— Асылып өлген. Асылып өлгеннен кейін короновирусы бар мәйітханада анықталған. Арнайы хабарлады бізге. Мемлекеттік сараптаманың арнайы хатын алдық. Бекерден-бекер әуре болып жүрмейміз ғой, жұмыстан қалып. Түске дейін облыстық СЭС мамандары, имамдар бар, түсіндіру жұмысын жүргіздік. Жұрт түсінгісі келмейді. Анасы бар, туысқандары бар.
Оқи отырыңыз:
- 42 500 теңге: министрлік әлеуметтік төлем алғандар саны көп үш өңірді атады
- Елордада қоғамдық көлік қозғалысы қашан жанданады
- Елордада соғыс ардагерлері 1 млн теңгеден алады
Фото: видеоның скриншоты
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
