Қазақстан ЕҚЫҰ қызметіне белсенді қатысуды жалғастырады

17

БҰҰ штаб-пәтерінде Қазақстан Сыртқы істер министрі Мұхтар Тілеуберді Еуропадағы қауіпсіздік және ынтымақтастық ұйымының (ЕҚЫҰ) Бас хатшысы Томас Гремингермен келіссөздер жүргізді, деп хабарлайды MediaWorld.kz CІМ баспасөз қызметіне сілтеме жасап.

СІМ басшысы Қазақстан ЕҚЫҰ белсенді мүшесі ретінде ЕҚЫҰ-ның барлық кеңістігінде қауіпсіздік пен тұрақты дамуды қамтамасыз етуде ұйымға барлық мүше мемлекеттермен ынтымақтастықты кеңейтуге дайын екенін атап өтті. Қазақстанның өңірлік және жаһандық проблемаларды шешу жөніндегі бірлескен күш-жігерге бейімділігі атап өтілді.

Келіссөздер барысында Т. Гремингер Қазақстан Республикасының Тұңғыш Президенті — Елбасы Нұрсұлтан Назарбаевтың инклюзивтік дамудың жаһандық архитектурасын қалыптастыру жөніндегі «Үш диалог» бастамасын жан-жақты талқылады.

Осыған байланысты ЕҚЫҰ мен АӨСШК Еуразия аумағында өзара іс-қимыл бойынша әлеуетін біріктіру ұсынылды. Бейресми пікір алмасу, сондай-ақ осы ұйымдардың жауапкершілік аймақтарында геосаяси жағдайды одан әрі дамыту бойынша «сағаттарды салыстыру» жанасу нүктелерін белгілеуге және болашаққа институтаралық өзара іс-қимыл жоспарын әзірлеуге мүмкіндік береді.

Бас хатшы Қазақстанның ЕҚЫҰ аясындағы тиімді қызметін атап өтіп, еліміздің өңірлік және халықаралық саясаттағы рөлінің өсуіне назар аударды.