Қазақстанның бас мемлекеттік санитарлық дәрігері Айжан Есмағамбетова қазақстандықтарға жабық ғимарат ішінде де, көшеде де бетперде киіп жүре беруді еске салды, деп хабарлайды zakon.kz.
Маска кию-кимеу қажеттілігіне байланысты туындаған көптің сауалына жауап берілді.
«Жабық ғимараттарда да, сыртта да бетперде киіп жүре беруге кеңес береміз. Неліктен оны кию керек дейсіздер ме? Біз халықаралық тәжірибеге, озық тәжірибелерді зерттеп, соны өзімізде ескереміз. Ал бүгін Дүниежүзілік денсаулық сақтау ұйымы көшеде маска киюге кеңес береді, өйткені бет жабық болғанда адам бет-аузына, мұрнына қолын апармайды. Ал бұл — ауруды жұқтырудың кеңінен тараған әрекеті», — деді Есмағамбетова Facebook-тегі онлайн-брифинг барысында.
Зерттеулерге сілтеме жасай отырып, Есмағамбетова адамның үш минут ішінде бетіне, мұрнына және көзіне бес рет қол тигізуі мүмкін екенін атап өтті.
Оқи отырыңыз:
- «Шаштараз, ақша айырбастау»: Бүгіннен бастап қандай жұмыс орындары ашылды
- «ҚазМұнайГаз» дағдарыстан келетін шығын туралы айтты
- Ғалымдар: Коронавирус пандемиясы 2 жылға созылуы мүмкін
Фото pixabay.com сайтынан алынды
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
