Премьер-министрдің орынбасары Ералы Тоғжанов соңғы қоңыраудың қалай және қашан өтетінін айтты, деп хабарлайды Sputnik Қазақстан.
«Оқу жылының соңына дейін 3,3 миллион оқушы мен 1 миллион студентке қашықтан білім беру жұмысы жалғасады. Аттестатты тапсыру және соңғы қоңырау мектептерде 3-4 маусымда ашық аспан астында өтеді. Адамдардың саны шектеулі, ал санитарлық нормалар қатаң сақталады», – деді премьер-министрдің орынбасары Ералы Тоғжанов бүгінгі онлайн брифингте.
Оның айтуынша, ұлттық бірыңғай тестілеу штаттық режимде 20 маусымда басталады. Республика бойынша 168 тест тапсыру пункті болады. Ол жерде санитарлық-эпидемиологиялық нормалар қатаң сақталады.
Еске сала кетсек, бұған дейін білім және ғылым вице-министрі Шолпан Каринова соңғы қоңырау шарасын өткізуге қатысты пікір білдірді. Ол БАҚ өкілдеріне берген брифинг барысында «егер жағдай өзгермесе, соңғы қоңырау болмайды» деп мәлімдеген еді.
Оқи отырыңыз:
- 11 мамырдан кейінгі тіршілік: бас санитардың жаңа қаулысы шықты
- Қызылорда облысында карантин режимі ұзартылды
- Мақтааралда су тасқынынан зардап шеккен тұрғындар баспанамен қамтылады – Тоқаев
Фото pixabay.com сайтынан алынды
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
