Осы мақсатта Қазақстан тарапы Қытайда өңдеу зауыттарын салумен айналысатын ірі компаниялардың бірімен келісімге қол қойды, деп жазады inbusiness.kz.
«Аумақта экспорт алдындағы тексеру жүргізіледі, зертханалар ашылады, техникалық реттеу жүргізіледі. Яғни, Қазақстан Республикасының аумағында көлік немесе контейнер пломбаланып, мұның бәрі Қытайдағы сатып алушыға тоқтаусыз жөнелтіледі», — деді ҚР Сауда және интеграция вице-министрі Қайрат Төребаев Орталық коммуникациялар қызметінде өткен брифингте.
Вице-министр бұл әлемде теңдесі жоқ жаңа сауда форматы екенін баса айтты. Бұл ретте спикер тауар айналымының табысты болуы маркетингтік талдауды қажет ететінін атап өтті.
