Педагогика, медицина, ветеринария және ауыл шаруашылығы мамандықтары бойынша квотамен білім алған ауыл жастары оқуын тәмамдағаннан кейін үш жыл ауылда жұмыс істеуге міндеттелді, деп хабарлайды Sputnik Қазақстан.
Тиісті қаулыға үкімет басшысы Асқар Мамин қол қойды. Қаулы премьер-министрдің ресми сайтында жарияланған.
«Педагогтік, медициналық, ветеринариялық және ауыл шаруашылығы мамандықтары бойынша ауыл жастары қатарынан шыққан азаматтарға берілетін квота шегінде оқуға түскен азаматтар жоғары және (немесе) жоғары оқу орнынан кейінгі білім беру ұйымын бітіргеннен кейін, кемінде үш жыл ауылдық жерде орналасқан мемлекеттік білім беру ұйымдарында, мемлекеттік медицина ұйымдарында, ветеринария саласындағы қызметті жүзеге асыратын мемлекеттік органдар бөлімшелерінде, мемлекеттік ветеринария ұйымдарында және меншік нысанына қарамастан, аграрлық бейіндегі ұйымдарда жұмысын өтейді», — делінген құжатта.
Сонымен қатар, үш жыл ауылда жұмыс істеу жөніндегі міндетке қатысты өзгерістер енгізілді.
Қаулыда ауылда жұмыс істеу міндеті қай кезде тоқтатылатыны көрсетілген:
- білім алушы (жас маман, философия докторы (РhD)) қайтыс болса, тиісті құжаттармен расталуы тиіс;
- жұмыс істеп жүрген кезінде I және II топ мүгедектігі берілсе;
- заңда және осы қағидалардың 27-тармағында көзделген жағдайларда.
Олар бюджет қаржысы есебінен жұмсалған шығындарды қайтармайды.
Оқи отырыңыз:
- Түркістан облысы: Әйелін көшеде балтамен басын жарып, қолын шапқылап кеткен (видео)
- Ақтөбеде ер адам карантин кезінде әйелі мен жеті баласын үйден қуып шықты
- Apple мен Google коронавирус жұқтырғандарды геолокация арқылы аңдуға тыйым салады
Фото pixabay.com сайтынан алынды
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз