Түркістан облысы Төле би ауданы Леңгір ауылында үйлерді су басып, газ құбырына зақым келді, деп хабарлайды Sputnik Қазақстан.
ТЖК баспасөз қызметінің ақпаратынша, төтенше жағдай 6 мамыр кешке болған.
«Жауын-шашынның мол түсуіне байланысты Ленгер өзенінде су деңгейі көтерілген. Салдарынан өзен арнасынан тасып, екі жекеменшік тұрғын үйді, 25 ауланы су басты. Орташа қысымдағы екі газ құбырына зақым келді, жеке сектордың 83 абоненті газсыз қалды», — деп мәлімдеді ведомстводан.
Қазір оқиға орнында құтқарушылар жұмыс істеп жатыр. Төтенше жағдай департаменті және «Қазселқорғау» күшімен су басқа жаққа бұрылды.
Сондай-ақ, ұзындығы 57 метр жағаны нығайту жұмыстары жүргізіліп, 350 текше метр су сорылды.
Апатты-құтқару жұмыстарына ТЖ департаменті, Қазселқорғау және жергілікті атқарушы органдардың 126 қызметкері, 31 техникасы және 14 мотопомпа жұмылдырылған.
Оқи отырыңыз:
- Бәс тігем деп, Ертіске суға кете жаздады (видео)
- Тоқаев: Су тасқынынан кейін баспанасынан айырылғандарға мыңнан астам үй салынады
- Қызылорда тұрғыны төтенше жағдай кезінде ауызашар мен монша ұйымдастырған
Фото: видеоның скриншоты
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
