Қазақстанның шығысында Үржар әуежайында Ан-2 ұшағы өртенді, деп хабарлайды Sputnik Қазақстан азаматтық авиация комитетіне сілтеме жасап.
Оқиға сағат 15:31-де, әуе кемесі қонғаннан кейін алты минуттан соң болды. Санитарлық рейс орындаған ұшақ Үржарға Семейден ұшып келген.
Өрт шыққан кезде ұшақ бортында адамдар болмаған. Сағат 15:50-де өрт сөндірілді. Зардап шеккендер жоқ.
Ұшақ «Тараз Жаңа Әлем» жекеменшік әуе компаниясына тиесілі.
Бұл факті бойынша индустрия және инфрақұрылымдық даму министрлігі авиациялық оқиғалар мен оқыс оқиғаларды тексеру басқармасы тергеу жүргізіп жатыр.
Жеңіл моторлы Ан-2 ұшақтары ауыл шаруашылығында, әдетте алқаптарға тыңайтқыштар мен пестицидтер шашу үшін пайдаланылады.
Оқи отырыңыз:
- Мұсылман зиратына тасталған нәресте шетінеп кетті
- Нұр-Сұлтанда жол апаты болды — 13 адам ауруханаға жеткізілді
- Қордайдағы оқиға: Қамауға алынған кейбір күдіктілер босатылды
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай—ақ біздің Facebook –тегі тобымызға қосылыңыз
