Қазақ-қырғыз шекарасынан жерасты каналы табылды: тергеу жүріп жатыр (фото)

229
Фото: ҚР ҰҚК шекара қызметінің баспасөз қызметі

Жамбыл облысының шекара маңы аумағынан жер астында төселген екі шлангі табылды. Қазір тергеу жүріп жатыр, деп хабарлайды Sputnik Қазақстан ҰҚК шекара қызметінің баспасөз қызметіне сілтеме жасап.

Қазақстандық шекарашылар қырғыз әріптестерімен бірлесіп Жамбыл облысының шекара маңы аумағынан жер астында төселген екі пластикалық шлангі тапты. Олар қазақ-қырғыз шекарасы бағытында жүргізілген.

Фото: ҚР ҰҚК шекара қызметінің баспасөз қызметі

«Шлангінің бірінен бензин исі бар сұйықтық табылды. Алдын ала болжам бойынша, олар шекара арқылы заңсыз жанар-жағармай тасымалдауға арналған, жақсылап жасырылған жерасты магистралі болуы мүмкін», — делінген хабарламада.

Бұл фактіге қатысты құзырлы органдарға хабар берілді. Қазір тергеу шаралары жүріп жатыр.

Оқи отырыңыз:

Фото: ҚР ҰҚК шекара қызметінің баспасөз қызметі