Байқоңырда Путинді қолдау үшін ұйымдастырылған шеруге байланысты ҚР-ның арнаулы өкілінің қызметін қамтамасыз ету басқармасы түсінік берді. Бұл басқарма Қызылорда облысының әкімдігіне қарасты, деп хабарлайды Экспресс К.
Бұған дейін Экспресс К-да Ресейдің әскери операциясын қолдау үшін Байқоңырда өткізілген шеруге оқушылардың қатысқаны туралы жазылған болатын. Әлеуметтік желі қолданушылары саяси акцияға қазақстандық балаларды шығарған деп наразылық білдірді. Тіпті бұл жайдан оқушылардың ата-аналары да бейхабар болды деген ақпарат тарады.
Ал арнаулы өкіл қызметін қамтамасыз ету басқармасының басшысы Байқоңыр қаласындағы митингте бірде-бір Қазақстан азаматы болмады дейді.
Бұл — негізі Байқоңыр әкімдігі ұйымдастырған іс-шара. Мақсаты — бейбітшілікті қолдау. Бірақ акцияға осы қалада тұратын қазақстандықтар қатысқан жоқ. Мүмкін қазақтарды көріп, дау туындаған шығар. Бірақ олар — Ресей азаматтары, — дейді басқарма басшысы Жасұлан Абатов.
Оқи отырыңыз:
- Шымбұлақтағы қар көшкінінен бір адам қаза тапты
- Алматы облысында әйелін қызғанған күйеуі оны ұрып өлтірген
- «Өте ауыр жыл болайын деп тұр»: сенатор халықтың ақшасын азық-түлікке жұмсауды ұсынды
