Басты бет Қоғам Шоу-бизнес "Біз де ешкім емеспіз": желіні шулатқан Сейфуллин Жолбарыс не жағдай болғанын айтты

«Біз де ешкім емеспіз»: желіні шулатқан Сейфуллин Жолбарыс не жағдай болғанын айтты

Әнші Сейфуллин Жолбарыс Sputnik Қазақстан тілшісіне берген сұхбатында әлеуметтік желіде тараған шулы видеоның қашан түсірілгенін және осы жағдайға байланысты не ойлайтынын айтып берді.

«Бұл жағдай жақында болды. Карантиннің де әсері болған шығар деп ойлаймын. Мен ұрсып жатқан кезде сол жердегі бір кісі түсіріп алып, желіге салып жіберіпті. Сол арқылы тарап кетті. Ол видеоны көрмеген адам қалмаған шығар», — дейді әнші күліп.

Айтуынша, видеоны желіге салған адам оқиғаның қалай басталғанын жарияламаған.

«Алдымен мен ренжіп қалдым. Ол жерін видеодан алып тастапты. Жүйкем тозғаннан кейін ғана айғайға көштім, — дейді ол.

Алайда екі жақ жанжалға не себеп болғанын айтпауға өзара келіскен.

«Көп адам хабарласып жатыр. Оның ішінде өнердегі аға-апаларым да бар. Бәрі түсініп, өмірде мұндай жағдайлар болатынын айтты. Мен де түсініп тұрмын. Бір нәрсені бүлдірдім деп айта алмаймын. Адамды ренжіткенімді, заңды бұзғанымды білемін және соған заң жүзінде жауап беріп жатырмын», — деді Жолбарыс.

Әншінің айтуынша, іс сотқа жолданған. Алайда соттың шешімі әлі шыққан жоқ.

«Іс сотқа барды. Сот өз шешімін айтады, әкімшілік айыппұл салуы да мүмкін. Себебі ұрып-соққан жоқпын, жай ғана сөз. Біздің заманымызда сөз үшін бір-бірімізді кешірдік деп қоя салатын едік, қазіргі заманда осындай болып кетті. Сол себепті байқап жүріңіздер», — деді Сейфуллин Жолбарыс сұхбат барысында.

Сондай-ақ, әнші өзімен жанжалдасып қалған екінші тараптың өте қарапайым адамдар екенін айтты.

«Сот шешімі шыққан жоқ. Сол себепті ештеңе айта алмаймын. Дүкенші жігіт өзіміз сияқты қарапайым азамат. Мен де қарапайым әншімін, шын мәнінде біз де ешкім емеспіз. Болмайтын нәрсе үшін сөзге келіп қалдық», — деп түйіндеді сөзін ол.

Айта кетейік, жақында әлеуметтік желіде әнші Сейфуллин Жолбарыстың дүкенші жігітпен сөзге келіп қалған видеосы тарады. Ол жерде әнші боғауыз сөздер қолданады. Дүкенші жігітті сыртқа шығып, жігітше сөйлесуге шақырған.

Видеоны мына сілтеме арқылы көруге болады

Фото: instagram.com/s_zholbarys_official/

Оқи отырыңыз:

Біздің әлеуметтік желілердегі аккаунттарымызға жазылыңыз:

Telegram, Instagram, Twitter, Facebook 

Сондай-ақ біздің Facebook –тегі тобымызға қосылыңыз

Соңғы жаңалықтар

Демалыс күндері ауа райы қандай болады: Қазгидромет болжамы

Қазгидромет 2021 жылдың 16-18 қаңтарында ауа райы қандай болатынын жариялады, деп жазады KAZ.NUR.KZ. Синоптиктердің болжамынша, сенбі, жексенбі күндері республиканың батысы мен солтүстігінде Жерорта теңізі циклонының...

Қазақстандық стартаптар 150 миллион теңге ала алады

«Инжиниринг және технологиялар трансферті орталығы» АҚ (бұдан әрі – QazInnovations) Қазақстан Республикасы Цифрлық даму, инновациялар және аэроғарыш өнеркәсібі министрлігінің қолдауымен инновациялық гранттарға стартап жобаларға...

eGov.kz порталында ерекше қажеттіліктері бар адамдар үшін жаңа қызметтер қолжетімді болды

Бұрын тек қана жергілікті атқарушы органдардың жұмыспен қамту және әлеуметтік бағдарламалар қызметтерінде көрсетілген ерекше қажеттіліктері бар адамдар үшін 6 жаңа қызмет онлайн форматқа ауыстырылды...

Пара бергендер енді 7 жылға дейін бас бостандығынан айырылуы мүмкін

Сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің Аntikor ortalyǵy алаңында қылмыстық процессте азаматтардың құқықтарын қорғауды және сыбайлас жемқорлыққа қарсы іс-қимылды күшейту мәселелері...

Керімбекова жаңа қызметі жайлы: некелерімді санамай, бата беріңіздер!

Ақбота Керімбекова мемлекеттік қызметке орналасу үшін тест тапсыруға дайындалып жатыр. Бұл туралы әнші өзінің Instagram желісіндегі парақшасында жариялады, деп жазады Sputnik Қазақстан. Керімбековаға Шымкент қалалық...

Елордада әйел құдыққа түсіп кетті

13 қаңтар күні астаналық ТЖД Қабанбай батыр көшесі бойында әйелдің құдыққа түсіп кеткендігі туралы келіп түскен хабарлама бойынша оқиға орнына шықты, деп хабарлайды MediaWorld.kz...

БҒМ мектепте смартфонға шектеу салуы мүмкін

ҚР Білім және ғылым вице-министрі Шолпан Каринова ОКҚ-дегі брифингте мектептерде смартфон пайдалануға шектеу енгізуді көздейтін бұйрық жобасына қатысты сұраққа жауап берді, деп хабарлайды zakon.kz. –...