Басты бет Оқиға «Блок - бекеттегі қылмыс әдейі жасалынуы мүмкін» - заңгер Ж.Сүлейменов

«Блок — бекеттегі қылмыс әдейі жасалынуы мүмкін» — заңгер Ж.Сүлейменов

Алматының іргесіндегі блок-бекеттердің бірінде екі полицейді өлтіріп, тағы біреуін ауыр жаралаған күдіктіге қатысты тың деректер пайды болды, деп хабарлайды «Астана» телеарнасы.

Желіде тараған видеода елдің қабырғасын қайыстырған апаттың орын алған сәті түсіп қалған. Блок-бекеттегі бақылау бейнекамераларына жазылған бұл таспаларды, жалпақ жұртқа құқық қорғау органдары емес, желі қолданушылары таратты. Тіпті қанды оқиғаға кінәлі адамның полицей екені жазылған, мынадай хабарламар да тарады. Жазбаларға қатысты қалалық департамент жауап берді.

Салтанат ӘЗІРБЕК, АЛМАТЫ ҚАЛАЛЫҚ ПОЛИЦИЯ ДЕПАРТАМЕНТІНІҢ РЕСМИ ӨКІЛІ:

— БМВ маркалы автокөлікті жүргізген 1994 жылғы туған азаматтың бұрын Құқық қорғау органдарымен байланысы болған. Алайда ол міндеттерін дұрыс орындамағаны үшін жұмыстан шығарылған. Бұрын погон киген, 6 жыл полицияда жұмыс істеген, қызметтік міндеттерін тиісінше орындамағаны үшін төрт рет тәртіптік жаза алды.

Бірақ полиция департаменті ішімдік ішіп, көлік басқарған экс-әріптестерінің қашан жұмыстан кеткенін нақтыламады. Десе де марқұм Дастан Әбдіқановтың жұбайы әлеуметтік желі арқылы, ресми ақпаратты жоққа шығарды.

INSTAGRAM:

— «Блок-бекеттің ойранын шығарған BMW жүргізушісі бұрын полицияда жұмыс істеген» — деген ақпарат жалған ақпарат. Ол қазір де сонда қызмет жасап жүр. Менің күйеуім Дастанмен бірге түңгі ауысымға шығып жүретін.  Өз қолыммен екеуіне тамақ беріп жұмысқа шығарып салғанмын. Өтінемін, шындықты айтыңыздар! Керемет әке, жақсы отағасын өлтірген қандықолды бүркелемеңіздер, бұлай!  

Осылай деген марқұм полицейдің жары бүгін отағасын жер қойнына тапсырды. Дастан Әбдіқановты жақындары ақтық сапарға шығарып салды.

Мемлекет басшысы қаза болған екі полицейді де «Айбын» орденімен марапаттады. Дегенмен екі отбасын қара жамылтып, шаңырағын ойран еткен күдіктіге қатысты заңгердің айтар өз уәжі бар.

Жангелді СҮЛЕЙМЕНОВ, ҚОРҒАУШЫ:

— Менің ойымша, тергеу жұмыстарында бір шикілік бар. Қылмыстық кодекстің 99-бабында, қылмыс белгілі бір мақсатпен жасалуы мүмкін екені қарастырылған. Яғни, күдікті ішімдік ішіп көлікке отырды, өзі соғылған патрульдік көлікте адамдар отырғанын білді деп ойлаймын. Демек, ол қылмысты әдейі жасауы мүмкін немесе істеп жүрген ісіне есеп бермеді.

Айта кетейік осы жантүршігерлік апатта тағы бір полицей оңбай жараланған еді. Ол сол сәтте бекеттен әрі-бері өткен көліктерді тексеріп тұрған. Оның қалай жараланғаны әзірге белгісіз. Қазір оның өмірін сақтап қалу үшін дәрігерлер тер төгуде. Басынан ауыр жараланған полицейге ота жасалыпты.

Ерлан ТҮБЕЛБАЕВ, № 7 ҚАЛАЛЫҚ КЛИНИКАЛЫҚ АУРУХАНАНЫҢ НЕЙРОХИРУРГЫ:

— Науқастың жағдайы тұрақты ауырлықта. Бүгін бас-миына компьютерлі томография жасалынды. Науқас өкпе желдету аппаратында. Жансақтау бөлімінде қарқынды ем жүргізуде.

Департамент өкілдері, қазір қос отбасының қара жамылуына себеп болған жүргізуішінің қамауда екенін айтты. «Адам өлтіру» бабы бойынша сотқа дейінгі тергеу басталған. Күдіктінің кінәсі дәлелденсе 15 жылға дейін бас бостандығынан айыруы мүмкін.

Әсем ЛЕСБЕК, ТІЛШІ:

— Естеріңізге салсақ, кеше Көксай ауылындағы блок-бекеттердің бірінде жантүршігерлік жол апаты болып, екі полицей қаза тапты. Сол сәтте көлік ішінде болған 42 жастағы полицей Жарас Жанғазиев оқиға орнында, ал оның әріптесі Дастан Әбдіқанов аурухана төсегінде көз жұмды.

Фото: видеодан алынған кадр

Оқи отырыңыз:

Біздің әлеуметтік желілердегі аккаунттарымызға жазылыңыз:

Telegram, Instagram, Twitter, Facebook 

Сондай-ақ біздің Facebook –тегі тобымызға қосылыңыз

Соңғы жаңалықтар

Қостанай саябағында жасөспірімдерді соққыға жыққандар ұсталды

Қостанай облысы полиция департаментінің қызметкерлері қала саябағында кәмелетке толмағандарды соққыға жыққан төрт жігітті ұстады. Бұзақылық фактісі бойынша сотқа дейінгі тергеу басталды, деп жазады Sputnik...

«Ретке келтіру керек»: Әлихан Смайылов қант бағасына қатысты пікір білдірді

Үкіметтің цифрлық кеңсесінде премьер-министр Әлихан Смайылов әлеуметтік маңызы бар азық-түлік тауарларының бағасын ұстап тұру мәселелері жөнінде кеңес өткізді, деп хабарлайды KAZ.NUR.KZ primeminister.kz сайтына сілтеме...

«Теміртау» ХК таратыла ма?: Облыс әкімі жауап берді

Қарағанды облысының әкімі Жеңіс Қасымбек «Теміртау» хоккей клубы қызметін жалғастыратынын айтты, деп жазады bassport.kz. Орталық коммуникациялар қызметі алаңында өткен баспасөз мәслихатында облыс басшысына: «Өңірде 3...

Катонқарағайда «Алтайдай жер қайда?!» халықаралық ақындар айтысы өтеді

1 шілдеде Шығыс Қазақстанның көрікті жері Катонқарағайда «Алтайдай жер қайда?!» халықаралық ақындар айтысы өтеді. Оған Қазақстандық айтыскер ақындармен бірге Өзбекстан, Қырғыз, Моңғолия елдерінен де...

Қазақстан басқа мемлекеттерден 100 мың тонна қант сұрады

Қазір елімізде 350 мың тонна қор бар. Бұл туралы Премьер-Министрдің орынбасары – Сауда және интеграция министрі Бақыт Сұлтанов айтты, деп хабарлайды inbusiness.kz. "Қазір 350 мың...

Сауда министрі қант бағасы туралы: қаласаң да, қаламасаң да өседі

Вице-премьер, сауда және интеграция министрі Бақыт Сұлтанов азық-түліктің қымбаттауына қатысты түсініктеме берді, деп хабарлайды Sputnik Қазақстан. Айтуынша, Қазақстанда негізгі азық-түлік тауарлары бойынша тапшылық жоқ. Тек...

Алматы облысында тұрғындар өз күшімен екі көшеге асфальт төсеп тастады (фото, видео)

Алматы облысы Қарасай ауданына қарасты Абай ауылында екі көшенің тұрғындары бірігіп, өз күшімен асфальт төседі. Бұл туралы ауыл тұрғыны әрі журналист Гүлвира Биғалиева мәлімдеді,...