Денсаулық сақтау министрі Алексей Цой коронавирус инфекциясынын айықтырмайтынын дәрілерді атады, деп хабарлайды Sputnik Қазақстан.
«Мысалы, қазір бәрі «Цефтриаксон» деген бактерияға қарсы препаратты іздейді. Алайда Қазақстанда осы дәрінің 30-ға жуық атауы тіркелген. Соның ішінде «Цефаксон», «Аксон», «Белацеф», «Севацеф», «Сертоцеф», «ЦЕФ-триаксон», «Ротацеф», «Медаксон», «Зибан», «Цефасон», «Рацифин» және тағы басқа аналогтар бар», — деді Цой бүгінгі онлайн брифингте.
Министрдің айтуынша, вирусқа қарсы препараттар да солай. Қазір көбі «Ингавирин» іздейді. Алайда осы іспетті 23 аналог бар. Олар – «Кагоцел», «Грипповир», «Пановир», «Арбидол», «Амиксин», «Тамифлю», «Ремантадин», «Флустоп», «Намидес», «Арпефлю» және тағы басқа дәрілер.
«Вирусқа қарсы препараттар көп. Алайда ол дәрілер коронавирусты емдеу схемасына кірмейді. Қазір халық оның бәрін жаппай сатып алып жатыр. Бірақ онымен коронавирус инфекциясы емделмейді. Ондай дүрбелең туғызбау қажет. Себебі адамдар дәрігерлерден кеңес алмай, ол препараттарды сатып алады да, өзін-өзі емдеумен айналысады. Оның коронавирусқа қарсы көмегі болмайды», — деп атап көрсетті Цой.
Фото pixabay.com сайтынан алынды
Оқи отырыңыз:
- «Бұған жол беруге болмайды»: Тоқаев жұртты алаңдатқан мәселе туралы айтты
- Ресей елшілігінің кеңесшісі домбыра тартты – видео
- Жанар Айжанова «құдағи» атанбақ
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
