Басты бет Қоғам Дәмханалар, мешіттер мен балабақшалар ашылды: қазақстандықтар нені білуі тиіс

Дәмханалар, мешіттер мен балабақшалар ашылды: қазақстандықтар нені білуі тиіс

18 мамырдан бастап Қазақстанда бірқатар нысан ашылды, деп хабарлайды Sputnik Қазақстан.  

Қонақ үйлер, мейрамханалар мен дәмханалар, балабақшалар және мешіттер қызметін қайта бастады. Десе де, оларға бірқатар санитарлық талапты сақтауға тура келеді.

Мешіттер кешкі сегізге дейін ғана ашық

Қазақстан мұсылмандары діни басқармасы дүйсенбіден бастап бүкіл мешіт ашылмайтынын ескертті. Облыстарда мешіттер коронавирустың таралуына жол бермеу жөніндегі жедел штабтың қаулысына сәйкес ашылады.

Мешітте санитарлық талаптарды қатаң сақтаумен жеке құлшылық жасап, құран оқытып, неке қидыруға рұқсат етіледі.

Қазақстан мұсылмандары мына талаптарды орындауы тиіс:

  • мешітке маска және қолғап киіп келу;
  • антисептик қолдану;
  • жеке құлшылық кезінде 1,5 метр ара қашықтықты сақтау;
  • Құран оқитын бөлмеге 1,5 метр ара қашықтықты сақтай отырып, он адамнан артық кірмеу;
  • неке қидыратын бөлмеге төрт адамнан артық кірмеу.

Сонымен қатар, мешіт ішінде он бес минуттан артық қалуға болмайды.

Індеттің таралуына жол бермес үшін әзірге жамағатпен оқылатын бес уақыт жұма намазы мен тарауық намазына шектеу қойылып отыр.

Мешіттер есігін айқара ашқанмен, қазақстандықтар Қадір түнін үйде қарсы алады. Себебі мешіттер түнде жабық, тек күндіз таңғы 07.00-ден кешкі 20.00-ге дейін ашық болады.

Биыл Қадір түні мамыр айының 19-нан 20-на қараған түнге түсіп тұр.

Балабақшалар қалай жұмыс істейді

Бір апта бойы коронавирус жұқтыру өсімі 7%-тен аспаса, өңірлерде балабақшаларды ашуға рұқсат етіледі. Өткір респираторлық вирустық инфекциясы бар бүлдіршіндер балабақшаға кіргізілмейді.

18 мамырдан Нұр-Сұлтанда мектепке дейінгі ұйымдардың қызметі қайта жанданды. Балабақшалар, бірінші кезекте, жұмыс істейтін, баламен үйде отыруға мүмкіндігі жоқ ата-аналар үшін ашылып отыр.

Әрбір балабақшада бала саны 15-тен аспайтын кезекші топтар ашылады.

Мектепке дейінгі ұйымдарда санитарлық талаптар қатаң сақталуы тиіс.

Балабақшаға денсаулығы туралы анықтамасы бар бүлдіршіндер ғана қабылданады. Анықтаманы учаскелік педиатор береді. Балабақшада ата-анасының көзінше баланың дене қызуы өлшенеді.

Егер бала карантин кезінде үйде қалса, онда оның мектепке дейінгі ұйымдағы орны сақталады. Ата-аналар тәрбиешіге баланың балабақшаға баратынын бір күн бұрын хабарлауы тиіс.

18 мамырдан арнайы ұйымдар, психологиялық-медициналық және педагогикалық консультациялар, психологиялық-педагогикалық түзету бөлмелері, оңалту орталықтары санитарлық қауіпсіздік шараларын сақтай отырып жұмысын жалғастырады. Ерекше қажеттілігі бар баланың әрқайсысымен жеке жұмыс жүргізіледі және жаңа оқу жылына баратын балаларға арналған оқу бағдарламасы анықталады.

Балабақшалар штатты режимде 1 маусымнан бастап жұмыс істейді деп жоспарланып отыр.

Мейрамханалар мен дәмханалар да ашылды

18 мамырдан қонақ үйлер, 30 орындық қоғамдық тамақтану орындары мен ашық аспан астындағы мейрамханалар мен дәмханалардың қызметіне рұқсат берілді. Десе де, олар республиканың барлық өңірінде дүйсенбіден бастап ашылмайды. Мәселен, Алматы әкімдігі эпидемиологиялық ахуалға байланысты мешіттер, қонақ үйлер мен тамақтану орындарын 25 мамырдан ашуды жөн көрді.

Кәсіпкерлер барлық қызметкер мен қонақтар үшін қатаң санитарлық-эпидемиологиялық режимді қамтамасыз етуге міндетті. Қызметкерлер жеке қорғаныш құралдарымен: маска, қолғап, қажет болған жағдайда, бас киім және халатпен қамтамасыз етілуі тиіс.

Адамдар арасында екі метр ара қашықтық сақталуы қажет.

Сонымен қатар, қонақ үйлер, мейрамханалар мен дәмханалардың кіреберісінде антисептик тұруы керек.

Оқи отырыңыз:

Фото pixabay.com сайтынан алынды

Біздің әлеуметтік желілердегі аккаунттарымызға жазылыңыз:

Telegram, Instagram, Twitter, Facebook 

Сондай-ақ біздің Facebook –тегі тобымызға қосылыңыз

Соңғы жаңалықтар

Қайырымдылықты брендке айналдыру керек – сарапшылар «Тиімді қайырымдылық» жобасы туралы

Қазақстанда жыл сайын кемі 100 қайырымылық ұйымын тарту арқылы елдегі қайырымдылық қызметін одан әрі дамытуды көздейтін «Тиімді қайырымдылық» жобасы жүзеге асты. Осы саладағы сарапшы,...

Әр адамның дінге бас сұғып, пәтуа айтуы дұрыс емес – Әбдіғани Бәзілхан

Елімізде қандай да бір діни мәселеге қатысты «Қазақстан Мұсылмандары Діни басқармасының» қызметкерлерінен басқа адамға пәтуа айтқызуға болмайды. «Қазақстанның Даму Қауымдастығы» жүзеге асырып жатқан интернеттегі...

Құрбысынан өш алмақ болған қарағандылық оқушы полицейлерді аяғынан тік тұрғызды

Қарағандыда мектеп оқушысы құрбысының атынан қоқан-лоққы жасап, ақша талап етті, деп хабарлайды Sputnik Қазақстан Polisia.kz сайтына сілтеме жасап. "City Mall" сауда орталығында бомба жасырылды деген...

Александр Бублик «Париж мастерс» турнирінде әлемнің 14-ракеткасын жеңіп кетті

Қазақстандық теннисші Александр Бублик "Париж мастерс" турнирінің екінші айналымына шықты. Ол әлемнің 14-ракеткасын жеңіп кетті, деп хабарлайды KAZ.NUR.KZ теннис федерациясына сілтеме жасап. Қазақстанның бірінші, әлемнің...

Мемлекеттік мекемелер мен ұйымдар бір мезетте әнұран орындады

Елорданың барлық ұйымдары мен кәсіпорындары Республика күніне орай бір мезетте әнұран орындады, деп жазады inbusiness.kz. Елорданың барлық мемлекеттік мекемелері мен кәсіпорындарында Республика күнін мерекелеуге арналған...

Риддер ЖЭО-ның бұрынғы басшыларына қатысты тергеу жүріп жатыр

Қаржылық мониторинг агенттігінің Шығыс Қазақстан облысы бойынша департаменті алаяқтық фактісі бойынша Риддер ЖЭО-ның бұрынғы басшыларына қатысты тергеу жүргізіп жатыр. Бұл туралы агенттік Telegram-дағы ресми...

Семейдегі мектептердің бірі қашықтықтан оқуға көшті

Семейде 2023 жылғы 23 қазанда №40 орта мектептің оқушылары қашықтан оқыту форматына көшірілді, деп хабарлайды Inbusiness.kz. "№40 орта мектепте сағат 9:08-де ғимараттың жертөлесінде орналасқан электрқалқан...