ДДСҰ Қазақстандағы КВИ мен КВИ тәріздес пневмония статистикасын біріктіріп, жариялады

54
Фото: pixabay.com

Дүниежүзілік денсаулық сақтау ұйымы (ДДСҰ) Қазақстандағы КВИ белгілері бар пневмонияны Covid-19 деп танып, өз сайтында бұл екі жағдайдың статистикасын біріктіріп жариялады, деп хабарлайды zakon.kz.

Қазір ДДСҰ сайтында зертханалық жағдайда расталған Covid-19 бен ПТР сынамасының нәтижесі теріс шыққандықтан пневмония деп тіркелген науқастардың саны біріктірілген.

Қазіргі уақытта соңғы 24 сағаттағы мәліметтер жаңартылған кестеге енгізілмепті. Сондықтан ұйымның веб-сайтында Қазақстанда КВИ жұқтырушылардың жалпы саны 105,5 мың деп көрсетіп, хабар таратқан.

Ведомствоаралық комиссияның мәліметі бойынша, Қазақстанда 2020 жылғы 7 тамыздағы жағдай бойынша Қазақстанда тағы 907 адам КВИ жұқтырған және COVID тәрізді пневмониямен ауыратын 1 102 науқас анықталған.

Сонда соңғы мәлімет бойынша, екі статистика қосылғандағы жалпы сан, негізінен, 109 939 жағдайды құрайды.

ДДСҰ мәліметтері бойынша, бір аптаның ішінде елімізде 316 адам коронавирус ауруынан қайтыс болған.

Оқи отырыңыз:

Біздің әлеуметтік желілердегі аккаунттарымызға жазылыңыз:

Telegram, Instagram, Twitter, Facebook 

Сондай-ақ біздің Facebook –тегі тобымызға қосылыңыз