Басты бет Саясат Парламент Депутаттар белгісіз заттан уланған баланы еске алды

Депутаттар белгісіз заттан уланған баланы еске алды

Мәжіліс депутаттары тұрғын үйлерде құрт-құмырсқа мен тышқандардың көбейіп кеткеніне алаңдаушылық білдірді. Осы жәндіктерге қарсы қолданылатын химиялық препараттардан адам өлімі жиілеп кеткен, деп хабарлайды Sputnik Қазақстан.

Фото: Парламент Сенатының баспасөз қызметі

«Соңғы кезде халық депутаттарға кеміргіштер мен құрт-құмырсқаның көбейіп кетуіне қатысты жиі арызданатын болды. Ал мамандар мемлекеттің бұл мәселені шеше алатынына күмәнмен қарайды. Осы орайда олар тірі жәндіктердің аса қауіпті инфекцияларды, соның ішінде адам өліміне себеп болатын ауруларды тарататынын еске салуда», — деді Павел Казанцев мәжілістің бүгінгі пленарлық отырысында.

Депутаттың айтуынша, тұрғын үйлерде тышқандар мен құрт-құмырсқаларды улағанда тұрғындар да зардап шегіп отырады. Тіпті, адам өлімі де бар.

«Мысалы, 13 ақпанда Шымкентте қандала мен тарақандарға қарсы уды шашқаннан кейін 8 айлық нәресте белгісіз химикаттан көз жұмды. Ақтау қаласында жыл басынан бері 6 адам уланып қалды. Былтыр 13 оқиға болған. Ал үш жылдың ішінде 8 адам көз жұмды», — деп атап көрсетті Казанцев.

Оның сөзіне қарағанда, тышқандар мен құрт-құмырсқаға қарсы химиялық заттардан улану фактілерінің көбеюіне үкіметтің бұрынғы шешімі де әсер еткен. Оған сәйкес, дезинфекциялық станциялар және осы саладағы қызметтер жекеменшік салаға ауыстырылған. Ал 2014 жылдан бастап ол жұмыстарды лицензиясыз жасауға рұқсат беріліпті. Соның салдарынан өз қызметіне жауапсыз қарайтын кәсіпкерлер көбейіп кеткен.

«Бұрын ондай ұйымдардың басшылығына медицина қызметкерлерін қойып отыратын. Қазір олай емес, кез келген адам айналыса алады. Маман даярлау жүйесі мүлдем жоқ. Ал арнайы курстарға ешкім бармайды. Химиялық құралдардың саудасы да дұрыс бақыланбайды. Оған қоса бүгінде кәсіпкерлерді негізсіз тексеруге болмайды. Ол да қолбайлау болып отыр», — дейді Казанцев.

Депутат химиялық препараттардың құжатсыз сатылатынын да жеткізді. Ондай тауардың өндірушісі көрсетілмейді. Химикат тіркеуге қойылмайды. Соның салдарынан адам денсаулығына қауіпті препараттарды қолданып жатады. Осыған орай мәжілісмендер үкімет басшысы Асқар Маминге депутаттық сауал жолдап, дезинфекциялық қызметті мемлекеттің құзіретіне қайтаруды, я болмаса, лицензияны қайта беруді ұсынды.

Оқи отырыңыз:

Соңғы жаңалықтар

Қазақстанда Қырым немесе Донбасс сценариі қайталанбайды – Тоқаев

Қазақстанда Қырым немесе Донбасс сценариі қайталанбайды. Бұл туралы Қазақстан Президенті Қасым-Жомарт Тоқаев "Комсомольская правдаға" берген эксклюзивті сұхбатында айтты, деп хабарлайды zakon.kz. Кейбір сарапшылар Қырым немесе...

Нұр-Сұлтанда көпбалалы және мүгедек баласы бар аналар пәтер талап етті

Кем дегенде елу әйел пәтер беруді талап етіп, рұқсат етілмеген митингіге шықты. Наразылық білдірушілер – көпбалалы және мүгедек балалардың аналары, кейбірі кәмелетке толмаған баласын...

Тоқаев парламенттік оппозиция туралы конституциялық заңға қол қойды

Қазақстан президенті Қасым-Жомарт Тоқаев "Қазақстан Республикасының парламенті және оның депутаттарының мәртебесі туралы" конституциялық заңға енгізілген түзетулерге қол қойды, деп хабарлайды Sputnik Қазақстан.  Елімізде демократиялық үрдістерді...

Итін айуандықпен қорлаған адам заң алдында жауап беретін болды – Атырау

Атырауда өз итін буындырып, одан соң басын тоңазытқыштың есігіне қысып, айуандықпен қорлаған ер адам заң алдында жауап береді, деп хабарлайды КТК телеарнасы. Итін қорлаған иесінің...

Өзбек-қырғыз шекарасындағы бұлаққа талас төбелеске ұласқан

Өзбек-қырғыз шекарасындағы шиеленісті екі елдің құзырлы органдары бірлесіп тергейтін болды, деп хабарлайды КТК телеарнасы. Қос мемлекеттің үкіметі осындай келісімге келді. Шекаралық аймақтағы қақтығысқа кінәлілер заң...

Алматыда той жасауға рұқсат берілді ме

Алматыда банкет пен той өткізуге болмайды. Бұл жайында қаланың бас санитар дәрігері Жандарбек Бекшин брифинг барысында мәлімдеді, деп хабарлайды Sputnik Қазақстан. "Қазір қоғамдық тамақтану орындарының...

Марқұм полиция қызметкерінің анасы: Мен келінімнің сөзін растаймын…

Алматыдағы блок-бекеттегі көлік апатынан қайтыс болған полиция қызметкерінің бірінің анасы Президенттен көмек сұрады. Ол осыған дейінгі келінінің сөзін растап, кінәлілерді жазалауды сұрайды, деп хабарлайды...