Басты бет Қоғам "Халыққа жақсылық жасап жатырмыз": Бүркіт пен Қарақат жаңа талапқа қатысты пікір айтты

«Халыққа жақсылық жасап жатырмыз»: Бүркіт пен Қарақат жаңа талапқа қатысты пікір айтты

Мәжіліс депутаттары бүгін лотерея туралы заң жобасын бірінші оқылымда мақұлдады. Оған сәйкес, енді арнайы лицензиясыз әлеуметтік желілерде лотерея өткізуге тыйым салынады, деп хабарлайды Sputnik Қазақстан.

Ал бұл талапты орындамағандарға 5 миллион теңгеге дейін айыппұл салынады. Sputnik Қазақстан тілшісі Instagram желісінде лотерея өткізіп жүрген әнші-әртістердің жаңа заң жобасына қатысты пікірін білді.

«Лотереядан барлығы бақытты болады»

Танымыл әнші Бүркіт өзінің Instagram парақшасы арқылы лотереяның екінші легін ойнатып жатыр. Бұған дейін ол ән жинақтың электронды нұсқасын 10 мың теңгеге сатып, пәтер, көлік пен жүздеген тұрмыстық заттарды ойнатса, осы жолы тура сондай сыйлықтарды ұтысқа тігіп отыр. Ал лотереяға шектеу қойылса, халық осындай мүмкіндіктен айырылады дейді.

«Меніңше, ол дұрыс емес. Ол заңмен онша келіспеймін. Біз өз лотереямызды ашық өткіземіз. Халыққа барынша жақсылық жасауға тырысып жатырмыз. Осы жолы бес адам автокөлік иесі, Нұр-Сұлтан қаласында бес пәтердің иесі болады. Ол жаман ба? Әрине, жақсы. Қазірдің өзінде үкімет те пәтерді әшейін беріп жатқан жоқ қой. Ал бізде 10 мың теңгені тігеді де, бір пәтерді ұта салады. Бұл лотереядан барлығы бақытты болады», — деді Бүркіт Sputnik Қазақстан тілшісіне берген сұхбатында.

Әншінің айтуынша, бүгінде оның жиені де Алматыда пәтер ала алмай жүр.

«Өзі алғысы келіп отыр. Кішкене ақшасы бар, бірақ жетпей жатыр. Мысалы, ол лотереядан пәтер ұтып алса, қандай жақсы болар еді. Туысқандарының бәрі қуанатын еді. Бірақ біздің лотереямызға қатысып жатыр ма, жоқ па, онысын білмедім. Билет алған шығар. Маған айтқан жоқ», — деп атап көрсетті ол.

«Бұл лотерея емес»

Әнші Қарақат Әбілдина 5 мың теңгенің шұлығын сатып, халық арасында пәтер мен көлікті ойнатқалы жатыр. Оның айтуынша, бұл лотерея емес.

«Мен маркетингтік мега-акция өткізіп жатырмын. Бұл өз өндірісім, біреудікі емес. Өз баспанам, өз «подписчигім», бәрі заңды. Біз заң аясында ғана қимылдап отырмыз. Отандық өнімді насихаттау мақсатында ұйымдастырылып жатқан маркетингтік мега-акция. Біз заңгерлермен ақылдастық. Бұл жоба заңға қайшы емес», — деді Әбілдина Sputnik Қазақстан тілшісіне берген сұхбатында.

View this post on Instagram

Қымбатты НұрСұлтандықтар! Бүгін сағ 19.00 де төмендегі адрес бойынша сіздерді күтеміз😘 #Repost @balbala_qqq with @get_repost ・・・ «Балбаладан баспана» маркетингтік мега акциясының қорытындысы ӨТЕТІН КҮН, ОРНЫ, УАҚЫТЫН жуық арада жариялаймыз.🎁⏲️🏬 ЕҢ БАСТЫСЫ, республикамыздың барлық қалаларында сатылып жатқан 5000 теңгелік Балбала топтамасын алып үлгеріңіздер. Сол топтамада Сіздің жеңімпаз болуыңызға себебі тиетін БАҚЫТТЫ САН бар!!! 🎁📲🎁 Акция сыйлықтарының қатары күннен-күнге толысуда.Болмановтар отбасының 3 бөлмелі пәтерімен қатар, ақшалай, заттай сыйлықтар қатарына, — 🖌AMANAT HOME @amanat_home_ — 1 000 000 теңге, — 📞ALLO NE KEREK? @allonekerek интернет дүкені — 500 000 теңге және бұдан өзге де бағалы сыйлықтар қосып отыр. . Мекен-жайы: Нұр-сұлтан қ. Д. ҚОНАЕВ к-сі. 12 үй ВОДНО- ЗЕЛЁНЫЙ БУЛЬВАР. 26 қаңтар, 19:00 @kydyrali_bolman @karakat_a @amanat_home_ @asyladam_org @konilbay_shukenov @allonekerek

A post shared by ҚАРАҚАТ (@karakat_a) on

Әнші «бір жапырақ қағазға нөмір соғып, онымен бәрін былықтырып жатпағанын» да жеткізді. Сондықтан лотерея мен мега-акцияның ара-жігін ажырату қажет дейді.

«Бұл – лотерея емес. Мысалы, үлкен сауда орталықтары өткізетін ұтыстар болады ғой. Азық-түлікті белгілі бір сомаға сатып алсаңыз, ұтысқа қатыса аласыз. Осындай маркетингтік тәсілдер жасалады. Ешкімді қинамайды. Біздікі де сондай. Шұлық жасқа да, кәріге де, қыста да, жазда да қажет. Адам шұлықсыз жүрмейді», — деп атап көрсетті Әбілдина.

Кімге айыппұл салынады?

Бүгін мәжілісте жаңа заң жобасын таныстырған мәдениет және спорт министрі Ақтоты Райымқұлова әлеуметтік желілерде заңсыз лотерея өткізген әртістер мен блогерлер жазасыз қалмайтынын айтты.

«Заң жобасы арқылы лотерея өткізу үшін белгілі бір мөлшерде ақша жинаған адам лоторея операторы немесе лоторея таратушысы болып саналады. Бірыңғай лоторея операторынан лицензия алмай, осындай лоторея өткізіп, пайда тапса, заң бұзған болып саналады. Шын мәнінде, бұл өте маңызды мәселе. Осыған дейін әкімшілік немесе басқа да жауапкершілік көзделмеген еді», — деді Райымқұлова.

Енді, заңсыз лотерея өткізгені үшін ірі көлемде айыппұл салынады. Бірінші рет заң бұзса, ескерту жасалады. Егер бір жылдың ішінде заң бұзушылық қайталанса, әкімшілік айыппұл салынады.

Айыппұлдың көлемі:

  • Жеке тұлғалар үшін — 200 АЕК (530 200 теңге);
  • Шағын бизнес субьектілері мен коммерциялық емес бірлестіктер үшін — 700 АЕК (1 855 700 теңге);
  • Орта бизнес үшін — 1000 АЕК (2 651 000);
  • Ірі бизнес үшін – 2000 АЕК (5 302 000 теңге).

Айта кетейік, заң жобасы екінші оқылымнан өтуі керек. Одан кейін құжат сенатта қаралады. Ал, ең соңында, президент қол қоюы тиіс.

Читайте также:

Соңғы жаңалықтар

Нұр-Сұлтанда көпбалалы және мүгедек баласы бар аналар пәтер талап етті

Кем дегенде елу әйел пәтер беруді талап етіп, рұқсат етілмеген митингіге шықты. Наразылық білдірушілер – көпбалалы және мүгедек балалардың аналары, кейбірі кәмелетке толмаған баласын...

Тоқаев парламенттік оппозиция туралы конституциялық заңға қол қойды

Қазақстан президенті Қасым-Жомарт Тоқаев "Қазақстан Республикасының парламенті және оның депутаттарының мәртебесі туралы" конституциялық заңға енгізілген түзетулерге қол қойды, деп хабарлайды Sputnik Қазақстан.  Елімізде демократиялық үрдістерді...

Итін айуандықпен қорлаған адам заң алдында жауап беретін болды – Атырау

Атырауда өз итін буындырып, одан соң басын тоңазытқыштың есігіне қысып, айуандықпен қорлаған ер адам заң алдында жауап береді, деп хабарлайды КТК телеарнасы. Итін қорлаған иесінің...

Өзбек-қырғыз шекарасындағы бұлаққа талас төбелеске ұласқан

Өзбек-қырғыз шекарасындағы шиеленісті екі елдің құзырлы органдары бірлесіп тергейтін болды, деп хабарлайды КТК телеарнасы. Қос мемлекеттің үкіметі осындай келісімге келді. Шекаралық аймақтағы қақтығысқа кінәлілер заң...

Алматыда той жасауға рұқсат берілді ме

Алматыда банкет пен той өткізуге болмайды. Бұл жайында қаланың бас санитар дәрігері Жандарбек Бекшин брифинг барысында мәлімдеді, деп хабарлайды Sputnik Қазақстан. "Қазір қоғамдық тамақтану орындарының...

Марқұм полиция қызметкерінің анасы: Мен келінімнің сөзін растаймын…

Алматыдағы блок-бекеттегі көлік апатынан қайтыс болған полиция қызметкерінің бірінің анасы Президенттен көмек сұрады. Ол осыған дейінгі келінінің сөзін растап, кінәлілерді жазалауды сұрайды, деп хабарлайды...

Алматы облысында аю талаған адамға қатысты тың мәлімет жарияланды

Алматы облысында қонжығын қорғамақ болған аю балық аулауға барған адамды талап өлтірді, деп хабарлайды Polisia.kz. Қайғылы оқиға 30 мамыр күні сағат 06.25 шамасында Алматы облысы...