Басты бет Қоғам ІІМ барлық өңірлерде дәрі-дәрмек бағасына рейд өткізуде

ІІМ барлық өңірлерде дәрі-дәрмек бағасына рейд өткізуде

5 шілдеде ҚР Президенті Қ.К. Тоқаевтың тапсырмасы бойынша Ішкі істер министрлігі жергілікті рейдтік іс-шараларды өткізді, деп хабарлайды zakon.kz ҚР ІІМ баспасөз қызметіне сілтеме жасап.

Тексерулердің мақсаты – карантин уақытында қажетті дәрі-дәрмектердің жетіспеушілігін пайдаланып, жоғары сұранысқа ие болған респираторлық вирустық аурулардан емдеуге арналған дәрі-дәрмектерді жоғары бағамен сатқан дәріхана қызметкерлері мен азаматтарды анықтау.

Рейд барысында дәрі-дәрмектерді жаппай сатып алуды ұйымдастырған адамдар анықталды. Олар дәрі-дәрмектің жасанды тапшылығын тудырып, кейін дәрілерді нақты құнынан бірнеше есе артық бағамен қайта сатқан.

Дәрі-дәрмектерді қайта сатудың көптеген фактілері еліміздің барлық өңірінде анықталды. Кәсіпкерлер дәрі-дәрмектерді “сөреден” сатып алып, фискалдық чектерді шығармай сатқан. Салдарынан адамдар дәрілерді қымбат бағаға алуға мәжбүр болған.

Мәселен, Нұр-Сұлтан қаласында полицейлер қорғаныс құралдарын заңсыз сатудың жолын кесті. Жергілікті тұрғыннан медициналық маскалар, комбинезондар, термометрлер, медициналық көзілдіріктер мен антисептикалық құралдар тәркіленді.

Сонымен қатар, әйел адам интернет-ресурстардағы хабарландыру арқылы “Парацетамол”, “Ингавирин”, “Цефтриаксон”, “Азитромицин” сияқты аса қажетті дәрі-дәрмектерді заңсыз сатқан. “Нұр-Сұлтан” қаласындағы ОСО-ның бірінің тұрағында ер адам ұсталды, оның автокөлігінен аталған дәрілік препараттары бар екі қорап табылды.

Шымкент қаласында “Левомак” медициналық препаратын 12 000 теңгеге сатқан жергілікті тұрғын полицияға жеткізілді. Ол дәрі бағасын өз бағасынан алты есе қымбатқа сатқан.

Дәріханада провизор болып жұмыс істейтін Шымкент қаласының тағы бір тұрғыны “Дексаметазон-Аджио” препаратының ампулаларын 5 000 теңгеден сатқан, ал оның негізгі бағасы – 600 теңге.

Түркістан облысында ер адам “Аскорбин қышқылын5 000 теңгеден сатқан, оның негізгі бағасы – 250 теңге.

Осыған ұқсас фактілер Алматы қаласында, Ақмола, Ақтөбе, Атырау, Шығыс Қазақстан, Жамбыл, Батыс Қазақстан облыстарында анықталды.

Рейдтің бірінші күні полицияға барлығы 21 адам жеткізілді, олардан 3500-ден астам дәрілік заттар тәркіленді, оның ішінде:

“Ацетилсалицил қышқылы” – 2100 орам,

“Парацетамол” – 589 орам,

“Цефтриаксон” – 230 ампула, сондай-ақ 17 800 медициналық маска, бір рет қолданылатын 60 қолғап, 105 қорғаныс халаты (комбинезондар), 80 қорғаныс көзілдірігі, 79 термометр және 100-ден астам антисептикалық құралдар (300 литр).

Барлық анықталған фактілер бойынша қолданыстағы заңнамаға сәйкес құқықтық баға берілетін болады. Ішкі істер министрлігі дәрі-дәрмектерді заңсыз сатуға тап болған тұрғындарды, сондай-ақ мұндай фактілер анықталған жағдайда жақын жердегі аумақтық полиция бөлімшелеріне немесе “102” және “112” телефондары арқылы хабарлауға шақырады.

Рейд жалғасып жатыр.

Фото: видеодан алынған кадр

Оқи отырыңыз:

Біздің әлеуметтік желілердегі аккаунттарымызға жазылыңыз:

Telegram, Instagram, Twitter, Facebook 

Сондай-ақ біздің Facebook –тегі тобымызға қосылыңыз

Соңғы жаңалықтар

Жұмысшы мен жұмыс берушінің арасындағы жанжал пышақ жарақатымен аяқталды

Шымкентте жұмысшы мен жұмыс беруші арасында туындаған жанжал салдарының нәтижесі пышақ жарақатымен аяқталды, – деп хабарлайды Polisia.kz. 15 қыркүйек күні шамамен сағат 20:00-де Әл-Фараби ауданы...

Қарбызды қысқа қалай сақтауға болады?

Жаз біте салысымен қарбыз маусымы да аяқталады. Алайда қарбызды жазда ғана емес қысқа сақтап жеуге болады. Ендеше маман кеңесіне жүгініп, қарбызды қысқа дайындайық. Көбінің әлі...

Қытай АҚШ-тың әскери базасын жойып жіберді (ВИДЕО)

ҚХР қарулы күштері Н-6К бомбалаушы ұшақтарымен АҚШ-тың Гуам аралындағы «Андерсен» базасын жойып жіберген бейнероликті жариялады, деп хабарлайды newsroom.kz. Әскери-патриоттық роликте АҚШ әуе шабуылына қарсы күштерінің...

Қазақстан әуе компаниясының президенті Ливияға қару-жарақ тасымалдаған

Ливияға заңсыз қару-жарақ тасымалдауға Қазақстанның екі азаматы қатысты болып шықты. Бұл туралы бүгін баспасөз конференциясында "Қазақстанның авиациялық әкімшілігі" АҚ бас директоры Питер Гриффитс айтты,...

«Интернет, такси, маршрут, бензин дегендер тегін болады!»: ғаламторда праймеризден үмітті кандидаттың видеосы пайда болды

Еліміздің әр өңірінде праймериз кандидаттары арасында қызу дебат өтуде. Елімізде бұрын-соңды болмаған саяси науқанға атын ұсынып, болашақ депутат болуды мақсат тұтқандар күтпеген жерден халықтың...

Тоқаевтың тапсырмасы орындалмай жатыр: мәжіліс министрді есеп беруге шақырды

Денсаулық сақтау министрі Алексей Цой мәжіліс депутаттарына президенттің коронавирус жұқтырған медицина қызметкерлеріне төлем төлеу туралы тапсырмасының орындалуы жөнінде есеп береді, деп хабарлайды Sputnik Қазақстан. Мәжілісмен...

Ақбота Сейітмағамбет: Әзірге ешқандай қыз ұзатпаймын

Танымал отандық әнші Ақбота Сейітмағамбет қыздарды ұзатуға түбегейлі қарсы екенін кесіп айтты, деп жазады KAZ.NUR.KZ. Ажырасып кеткен өнер иесі мұндай ұсыныстардан бірден бас тартатынын мойындады....