Іле Алатауы ұлттық паркінің бір бөлігі 49 жылға жеке компанияның ұзақ мерзімді пайдалануына берілді, деп хабарлайды zakon.kz.
ҚР ИДМ «Іле-Алатау мемлекеттік ұлттық табиғи паркі» РММ 2020 жылы 13 наурызда №1 лот бойынша туристік және рекреациялық іс-шараларға арналған экологиялық туризмді дамыту үшін ұлттық парктің бір бөлігі ұзақ мерзімді пайдалануға беру мақсатында тендер өткізді. «Егемен Қазақстан» газетінде 2020 жылғы 12 ақпандағы № 29 (29758) жарияланған. Тендер комиссиясының шешімімен №1 лот бойынша тендердің жеңімпазы — жалғыз қатысушысы «KULTAU & K» ЖШС деп жарияланды, делінген ұлттық парктің сайтында.
Атап айтсақ, Үлкен Алматы көлі, Алма-Арасан (Аюсай), Асы үстірттері, Есік және Солдат шатқалдары, Бутаковка және басқалары жеке басқаруға өтті.
Белгілі болғандай, тендер Қазақстан Республикасының туристік индустриясын дамытудың 2019–2025 жылдарға арналған мемлекеттік бағдарламасы аясында өткізілді.
Құжатта көрсетілгендей, Ұлттық парктің көз тартарлық жерлерінде туристік кешендер, бақылау алаңдары, лагерьлер, көпірлер салу және тұрақ орындары бар лагерьлерді жабдықтау жоспарланған.
Мемлекеттік-жекеменшік серіктестік негізінде аумақтарды дамыту қарастырылған: мемлекет — инфрақұрылымды тартуға, инвестор — туристік объектілерді салуға жауап береді.
Фото pixabay.com сайтынан алынды
Оқи отырыңыз:
- 1 маусымнан бастап курорттар мен шипажайлар ашылады
- Індет жұқтырғандар саны артып барады, нақты шешімдер қажет – Тоқаев
- Автокөліктің терезесінен басын шығарған баланың ата-анасына айыппұл салынды (видео)
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
