Атырауда өз итін буындырып, одан соң басын тоңазытқыштың есігіне қысып, айуандықпен қорлаған ер адам заң алдында жауап береді, деп хабарлайды КТК телеарнасы.
Итін қорлаған иесінің қатігездігі туралы видео әлеуметтік желіде қызу талқыланған болатын.
Қоғам наразылығын білдірген бұл оқиға кейіпкерін полицейлер дереу іздеуге кіріскен. Тергеу шаралары кезінде белгілі болғандай, оқиға 31 мамыр күні Еркінқала елді мекенінде болыпты. Үйінің ауласында алдымен итін буындырып, басын тоңазытқыш есігіне қысып қорлаған азамат енді жауапкершілікке тартылады.
Гүлназира Мұхтарова, Атырау облыстық ПД баспасөз хатшысы:
— Оқиғаға қатысты ҚК 316-бабымен сотқа дейінгі тергеп-тексеру жүргізілуде. Бұл бап бойынша жануарларға қатігездік жасағаны үшін 120 АЕК мөлшерінде айыппұл салу немесе 120 сағатқа қоғамдық жұмысқа тарту, не болмаса 30 тәулікке дейін қамаққа алу жазасы қарастырылған.
Фото: видеодан алынған кадр
Оқи отырыңыз:
- Өзбек-қырғыз шекарасындағы бұлаққа талас төбелеске ұласқан
- Алматыда той жасауға рұқсат берілді ме
- Марқұм полиция қызметкерінің анасы: Мен келінімнің сөзін растаймын…
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
