Павлодарда әйелінің өліміне алып келген денсаулыққа қасақана ауыр зиян келтіру бойынша айыпталған парашют спорты федерациясының бастығы, қоғам белсендісі Руслан Феклистов енді «кісі өлтіру» бойынша тергелуде. Қылмыстық істің бабы сотқа дейінгі тергеу барысында өзгертілді деп хабарлайды KAZ.NUR.KZ Павлодар облысының полиция департаментіне сілтеме жасап.
Ресми сауалға жауап берген тәртіп сақшылары бастапқыда қылмыстық істің кісі өліміне алып келген денсаулыққа қасақана зиян келтіру факті бойынша қозғалғанын мәлім етті.
Кейіннен істі қарау кезінде оны «кісі өлтіру» бабына ауыстыру туралы шешім қабылданды.
Басында Руслан Феклистовке қатысты 8-ден 12 жылға дейін бас бостандығынан айыру жазасы қарастырылған. Енді бұл мерзім 8-ден 15 жылға дейін өзгертілді. Полиция өкілдері тергеудің әлі жалғасып жатқанын хабарлады.
Еске сала кетейік, Татьяна Феклистованың өлімі жайлы полиция хабарлаған. Оқиғаның мамыр айының басында дала аэродромы ауданында болғаны айтылды. Полиция қызметкерлері аталған қылмысты жасады деген күдікпен оның 42 жастағы күйеуін ұстады.
Оқи отырыңыз:
- Атырауда жоғалып кеткен бір жарым жасар сәби өлі табылды
- Өскемен тұрғыны таныс қызының көлігін өртеп жіберді (видео)
- «Қазмедиа орталығы» ғимаратында карантиндік шаралар енгізілді
Фото: Татьяна Феклистованың ok.ru парақшасынан алынды
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
