Қызылорда облысында марихуананың голландиялық түрін өсірумен айналысты деген күдікпен ұйымдасқан қылмыстық топ құрықталды. Бұл туралы KAZ.NUR.KZ облыстық прокуратураға сілтеме жасап хабарлайды.
Қызылорда облысы прокуратурасы Ұлттық қауіпсіздік комитеті қызметкерлерімен бірігіп, 2022-2023жылдар аралығында Қызылорда облысы аумағында есірткі заты марихуананың голландиялық түрін өсірумен айналысқан ұйымдасқан қылмыстық топ құрықталды.
«Тергеу барысында салмағы 1,5 тоннадан астам есірткі заты алынып, 3 есірткі алқабы жойылды.
Сот санкциясымен қылмыстық топтың 22 белсенді мүшесі қамауда», — делінген хабарламада.
Қадағалау органы мәліметінше, тергеу аяқталды.
Қазіргі уақытта іс құжаттарымен танысу процесі жүргізіліп жатыр.
Автор: Айзат Ермекқызы
