Басты бет Қоғам Білім Карантин кезіндегі емтихан, ҰБТ және диплом: оқушылар мен студенттер нені білуі тиіс

Карантин кезіндегі емтихан, ҰБТ және диплом: оқушылар мен студенттер нені білуі тиіс

Биыл карантинге байланысты мектеп оқушылары мен студенттер қашықтан оқыту форматына көшті. Төтенше жағдай мерзімі әрі қарай ұзартылса, қорытынды аттестация, ҰБТ, кешенді емтихан мен диплом жұмысын қорғау қалай өтетінін Sputnik Қазақстан материалынан оқыңыз.

Жиынтық бағалау қашан және неше рет өтеді

Бұған дейін бөлім бойынша жиынтық бағалау (СОР) бір тоқсанда әр пәннен бірнеше рет болатын. Биыл төртінші тоқсанда БЖБ тек бір рет өткізіледі. Білім және ғылым министрлігі оның мерзімін 4 мамырдан 8 мамырға дейін белгілеп отыр.

Оқушылар бақылау жұмысын үйде жазатындықтан, мұғалім оны нақты қай күні тапсыру керек екенін көрсетуі тиіс.

БЖБ мына пәндер бойынша өтпейді:

  • өзін-өзі тану;
  • көркем еңбек;
  • музыка;
  • дене шынықтыру;
  • кәсіпкерлік және бизнес негіздері;
  • графика және жобалау;
  • қоғам және дін.

Ал тоқсан бойынша жиынтық бағалау (СОЧ) бір рет – 18 мамырдан 22 мамырға дейін өтеді.

Жазғы демалыс 25 мамырда басталады.

Қорытынды аттестация емтиханы болмайды

Төтенше жағдайға байланысты биыл 9 және 11 сынып оқушылары қорытынды аттестация емтиханынан босатылды.

Аттестат барлық пән бойынша жылдық баға негізінде беріледі.

Бұған дейін 9 (10) сынып түлектерінің қорытынды емтиханы былай өткізілетін:

  • ана тілі бойынша жазбаша емтихан (оқыту тілі бойынша) – эссе түріндегі жазбаша жұмыс, гуманитарлық цикл пәндерін тереңдетіп оқытатын мектеп оқушылары үшін мақала/әңгіме/эссе түріндегі жазбаша жұмыс;
  • математикадан (алгебрадан) жазбаша емтихан;
  • оқыту орыс/өзбек/ұйғыр/тәжік тілінде жүргізілетін сыныптарда қазақ тілі мен әдебиетінен жазбаша емтихан және оқыту қазақ тілінде жүргізілетін сыныптарда орыс тілі мен әдебиеті пәнінен жазбаша емтихан;
  • таңдау пәні бойынша (физика, химия, биология, география, геометрия, Қазақстан тарихы, дүниежүзі тарихы, әдебиет (оқыту тілі бойынша), шет тілі (ағылшын/француз/неміс), информатикадан жазбаша емтихан.

Ал 11 (12) сынып оқушылары үшін:

  • ана тілі мен әдебиеті бойынша жазбаша емтихан (оқыту тілі бойынша) эссе түрінде;
  • орыс/өзбек/ұйғыр/тәжік тілінде оқытатын мектептерде қазақ тілі бойынша тест және қазақ тілінде оқытатын мектептерде орыс тілі бойынша тест;
  • алгебра және талдау негіздері бойынша жазбаша емтихан;
  • Қазақстан тарихы бойынша ауызша;
  • таңдау пәні бойынша тест (физика, химия, биология, география, геометрия, дүниежүзі тарихы, әдебиет (оқыту тілі бойынша), шет тілі (ағылшын/ француз/ неміс), информатикадан тест.

ҰБТ – 2020

Әзірге ұлттық бірыңғай тестілеуді өткізу мерзімі өзгеріссіз қалып отыр.

Сонымен қатар, биыл ҰБТ-да 11-сыныпта 4-тоқсанда өткен бағдарлама сұрақтары болмайды. Тек 5-сыныптан 11-сыныптың үш тоқсанына дейінгі аралықтағы сауалдар қойылады.

ҰБТ өткізу форматы өзгермейді, тек коронавирусқа байланысты қосымша санитарлық шектеулер енгізіледі. Тест тапсыратындар бір-бірінен алыс отырады. Жергілікті жерлерде барлық оқушының дене қызуы тексеріледі.

Тестілеуге қатысу үшін 10 мамырға дейін ent2020.testcenter.kz сайтында онлайн өтініш тапсыру керек.

Тіркеуден өткен кезде, заңды өкілдері 18 жасқа толмағандардың жеке мәліметтерін жинауға және өңдеуге келісім береді.

Айта кетсек, қазір оқушылар ұлттық тестілеу орталығының сайтында жарияланған сынама тестілерді тегін пайдаланып жатыр. Әрбір пән бойынша 70 нұсқа әзірленген.

Білім және ғылым министрлігі карантин ұзартылған жағдайда ҰБТ өткізудің балама нұсқасына көшеді.

Студенттер дипломды қалай қорғайды

Білім және ғылым министрлігі 1, 2, 3 курс студенттері үшін сессия тапсырудың үш жолын ұсынды:

  • емтиханды қашықтан тапсыру;
  • әрбір пән бойынша бағаны қазіргі баға негізінде қою;
  • «I» (Incomplete) бағасын қою арқылы емтихан тапсыру мерзімін шегеру.

Десе де, емтиханды қалай өткізетінін әрбір жоғары оқу орны өзі шешеді.

Ал 4 курс студенттері карантин аяқталмаса, дипломды қашықтан қорғайды.

Диплом жұмысын қорғау үшін студенттер антиплагиат жүйесіне өз жұмысын жүктейді. Осыдан кейін оны оқытушылар мен мемлекеттік комиссияның мүшелері тексереді.

Егер студенттің онлайн режимде диплом қорғауға мүмкіндігі болмаса, диплом жұмысы бойынша сұрақтар жазбаша және кез келген байланыс арнасы арқылы қойылуы мүмкін.

Ал кешенді емтиханға келетін болсақ, мұнда әрбір университет үш жолдың бірін таңдайды:

  • кешенді емтиханды қашықтан тапсыру;
  • жиынтық бағаны базалық пәндер бағасының негізінде қою;
  • кешенді емтиханды кешірек мерзімге ауыстыру (жазға немесе күзге).

Мемлекет басшысының жарлығымен 16 наурыздан елде төтенше жағдай жарияланды. Режим бір айға созылуы тиіс еді, алайда оның мерзімі 1 мамыр сағат 07.00-ге дейін ұзартылды.

Оқи отырыңыз:

Фото pixabay.com сайтынан алынды

Біздің әлеуметтік желілердегі аккаунттарымызға жазылыңыз:

Telegram, Instagram, Twitter, Facebook 

Сондай-ақ біздің Facebook –тегі тобымызға қосылыңыз

Соңғы жаңалықтар

«Түйе бағып жүріпті-міс»: Алматы облысында зейнеткер жалғыз ұлын төрт айдан бері іздеуде

Алматы облысының тұрғыны, зейнеткер Жүсіпбай Бекқабұлов  жалғыз ұлына іздеу салады. Қария ұлының не тірі, не өлі екенін білмей дал болып жүргеніне төрт айға жуықтаған,...

Спорттан ілім іздегендер

Өзбекстанда «Университеттік спорт: денсаулық және ұлттық өркендеу» тақырыбында ауқымды ғылыми конференция өтті. Оған Әзірбайжан, Белорусь, Қазақстан, Қырғызстан, Молдова, Румыния, Ресей, Тәжікстан, Түркия елдерінің жас...

Балалар оқулыққа толы ауыр рюкзактарды арқалап жүруге мәжбүр – Тоқаев

Президент Қасым-Жомарт Тоқаевтың төрағалығымен өткен Реформалар жөніндегі жоғары кеңестің отырысында оқу-ағарту министрі Асхат Аймағамбетов "Жайлы мектеп" жобасы бойынша баяндама жасады, деп хабарлайды Sputnik Қазақстан...

«Әйелін темірден іш киім киюге мәжбүрлеген»: Полиция желідегі ақпаратқа пікір білдірді

Желіде Түркістан облысында қызғаншақ күйеу әйелін темір сымнан жасалған іш киім киюге мәжбүр еткені туралы ақпарат тарады. Бұл туралы Сәт телеарнасына Сарыағаш аудандық әлеуметтік...

Онлайн-альфонс өзіне ғашық Ақтөбе тұрғынын 36 млн теңгеге алдады

Онлайн-альфонс зейнеткерді 36 млн теңгеге алдады, деп хабарлайды Sputnik Қазақстан Polisia.kz сайтына сілтеме жасап. 22 қыркүйекте Ақтөбе қаласының Полиция басқармасына 65 жастағы әйелден арыз түсті....

Бурабайда өрт болды — себебі анықталып жатыр

"Бурабай" паркі аумағынан өрт шықты, деп хабарлайды Sputnik Қазақстан. Бүгін таңертең жедел кезекшінің пультіне "Көкшетау" тауында шамамен 800 метр биіктікте түтін көрінгені туралы хабарлама түскен. Нақтыланған...

Павлодар облысында екі саләфит үш жылға сотталды

Павлодар облысында екі аңшы үш жылға бас бостандығынан айырылды, деп хабарлайды Sputnik Қазақстан. Оған қоса, олар 21 миллион теңгенің айыппұлын төлеп беруге міндеттелді. Тергеу материалдарына сәйкес,...