Әкімдіктің экс-қызметкері ажырасқысы келген әйеліне 40 рет пышақ сілтеген

150
Фото pixabay.com сайтынан алынды

Қостанай облысында әйелін пышақтаған ер адамға қатысты сот үкімі шықты, деп хабарлайды zakon.kz.

Соттың анықтауы бойынша, 2019 жылдың 4 тамызында сотталушы тағы бір отбасылық жанжал кезінде ажырасқысы келетінін айтқан әйелінің мойны мен кеудесіне ас үй пышағын сілтеген. Жәбірленуші оқиға орнында қайтыс болды.

Содан кейін сотталушы әйелін өлтіргені үшін қылмыстық жауапкершіліктен жалтаруды көздеп, «өзін-өзі қорғану үшін осындай амалға бардым» дегенге сай келу үшін өз мойынын, кеудесін және білектерін пышақпен тілгілеп, жарақаттаған.

Сотталушының қасақана кісі өлтіргені жәбірленушінің, куәгерлердің айғақтарымен және іс бойынша сараптаманың қорытындыларымен дәлелденді. Марқұмның үш жас баласы бар, оның қамқоршысы — марқұмның үлкен апайы. Сот айыпталушының қылмыстық жауапкершілігін жеңілдететін және ауырлататын мән-жайларды анықтаған жоқ. Сот қылмыстың ауырлығын және сотталушының жеке басын, оның ішінде жазаның өтелмеген бөлігінің жиынтық негізін ішінара қосылуын ескере отырып, оны 14 жыл 6 айға бас бостандығынан айырды, — деп хабарлады сот.

Сот үкімі заңды күшіне енген жоқ.

2019 жылдың 4 тамызында Заречный кентінде. 37 жастағы Кымбат Ибраева сотталушы Айдын Әбдинамен және үш баласымен бірге тұратын пәтерінде өлтіріліп, 40 рет пышақталған.

Айдын Әбдин бұған дейін Қостанай қаласы әкімдігінің мәдениет және тілдерді дамыту бөлімінің маманы болып жұмыс істеген. Бұған дейін ол пәтерге байланысты алаяқтық әрекеті үшін жауапқа тартылған болатын.

Сотта ол әйеліне бірінші болып оған пышақпен шабуыл жасады деп куәлік берді.

— Біз шай ішіп отырғанбыз, содан кейін ол үстелді жинай бастағанда ұрсыса бастадық. Мен ана жақта болғанда ол Арманмен бірге тұрған, содан қызғанатынымды айттым. Ол үстелден пышақты алып, менің ішіме сұқты. Мен дәлізге қарай жүгірдім, сыртқа шықпақ болдым, бірақ есікті аша алмадым. Қымбат мені ұстап алып, тағы 1-2 соққы жасады. Мен балконға жүгірдім. Сол жерде ол мені ұстап алды, сол кезде оның қолындағы пышақты тартып алдым, ол екінші рет ас үйге қарай жүгірді, тағы пышақ алып келіп, қарныма сұқты. Бірінші пышақты тартып алғанмын, содан кейін екіншісін де тартып алдым да өзіне қарай сілтедім, қанша рет пышақты сілтегенім есімде жоқ, — дейді Әбдин.

Оқи отырыңыз:

Біздің әлеуметтік желілердегі аккаунттарымызға жазылыңыз:

Telegram, Instagram, Twitter, Facebook 

Сондай-ақ біздің Facebook –тегі тобымызға қосылыңыз