Алматы облысында адам өлтіргені үшін 15 жыл іздеуде болған Өзбекстан азаматы ұсталды, деп хабарлайды zakon.kz Алматы облысы ПД баспасөз қызметіне сілтеме жасап.
Құрамында есірткі заты бар өсімдіктерді өсіргені үшін ұсталған Өзбекстан азаматы қамаудан қашқан, кісі өлтіргені үшін іздеуде жүрген адам болып шыққан.
Қарасай ауданының полиция қызметкерлері жедел іс-шараларды жүргізу барысында құрамында есірткі заты бар өсіруге тыйым салынған өсімдіктерді заңсыз өсіру дерегін анықтаған. Аталған дерекке байланысты ҚР ҚК-нің 300-бабының 1-бөлігіне сәйкес қылмыстық іс қозғалды.
Өзімен бірге жеке басын куәландыратын құжаттары жоқ күдікті есірткілік масаң күйде болған. Ұстау кезінде өзін агрессивті жағынан көрсеткен, ол асүй пышағын алып, өзіне-өзі қол жұмсаймын деп қорқытқан. Алайда, жедел уәкілдер оны бірден бейтараптандырып, Қарасай ауданының полиция басқармасына жеткізген.
Жеке басын анықтау барысында, күдіктінің өзгенің атын пайдаланғаны белгілі болды, себебі алынған фотосурет оның бейнесіне сәйкес келмеген. Дерекқор бойынша саусақ іздерін тексерген тәртіп сақшылары ұсталған азаматтың Өзбекстан құқық қорғау органдарымен адам өлтіргені және қамаудан қашқаны үшін іздеуде жүргенін анықтады. 1976 жылғы Өзбекстан азаматы 03.06.2005 жылдан бастап іздеуде жүрген. Қамауға алу санкциясы бар қашқын тергеу оқшаулағышына қамалды. Жасалған қылмысы үшін жауапкершілік туралы мәселе шешілгеннен кейін оны Өзбекстан еліне экстрадициялау туралы мәселе шешілетін болады.
Оқи отырыңыз:
- Оралда өгей әкесін өлтіріп, түрмеге түскен оқушы қыз асылып қалды
- Павлодарда кәмелеттік жасқа толмаған қызды зорлаған азамат сотталды
- Startup Monthly Ventures компаниясының негізін қалаушы және бас директоры Astana Hub онлайн-жобасының сарапшысы болады
Фото: Алматы облысы ПД баспасөз қызметі
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
