«Күйеуімді қорқытқым келді»: Елордада 32-қабаттан салбырап тұрған әйел әрекетін түсіндірді

92
«Күйеуімді қорқытқым келді»: Елордада 32-қабаттан салбырап тұрған әйел әрекетін түсіндірді
Фото: neonomad.kz

Нұр-Сұлтанда 32-қабаттан салбырап тұрған әйел өзінің әрекетін түсіндірді. Айтуынша, ол осылайша күйеуін қорқытпақ болған, деп хабарлайды Neonomad.kz ақпарат агенттігі.

«Достық даңғылында орналасқан «Северное сияние» тұрғын үй кешеніне келген полицелер әйел мен оның күйеуін Есіл аудандық полиция басқармасына жеткізді. Тексеріс барысында әйел күйеуімен ұрысып қалғаннан кейін оны осылайша қорқытпақ болғанын, секіру туралы ойы болмағанын айтып ақталды», — дейді София Қылышбекова.

Ерлі-зайыптыға қатысты қоғамдық тәртіп пен азаматтардың тыныштығын бұзғаны үшін әкімшілік іс қозғалды. Медициналық сараптама барысында ерлі-зайыптының ішімдік ішіп алғаны белгілі болды.

Естеріңізге сала кетсек, 27-сінен 28-не қараған түні желідегі топтардың бірінде 32-қабаттан салбырап тұрған әйел адамның видеосы тараған еді.