Ұлттық қауіпсіздік комитетінің қызметкерлері «Маңғыстау облыстық орман шаруашылығы және жануарлар әлемі аумақтық инспекциясының» лауазымды адамдарын ұстады, деп хабарлайды Sputnik Қазақстан.
Шенеуніктер Каспий теңізі айлағында браконьерлік жолмен бекіре тұқымдас балықтарды аулап, уылдырық алған жергілікті тұрғындарға қамқоршылық жасаған.
«Ұсталған адамдардың қылмыстық әрекетінің салдарынан мемлекетке 320 миллион теңгеден астам шығын келтірілді, заңсыз айналымнан 1 100 килограмм бекіре тұқымдас балық пен 17 килограмм қара уылдырық алынды», — деп хабарлады Қазақстанның ҰҚК баспасөз қызметі.
ҰҚК Маңғыстау облысындағы департаменті Қазақстан Республикасы Қылмыстық кодексінің 361-бабы 1-бөлігі («Лауазымдық өкілеттіліктерін теріс пайдалану»), 335-бабы 3-бөлігі 1, 3, 4, 5-тармақтары («Балық ресурстарын, басқа да су жануарлары мен өсімдіктерін заңсыз алу») бойынша сотқа дейінгі тергеуді жалғастыруда.
Оқи отырыңыз:
- Прокурордың Сириядан қайтарылған 14 қазаққа қандай жаза сұрағаны белгілі болды
- Синоптиктер қауіпті құбылыс болатынын ескертті: демалысқа ауа райы болжамы
- Мұғалімдердің жалақысы өседі: білім министрі тізімге кімдердің ілігетінін айтты
