Қазақстанда балабақша, мектеп, колледж және жоғары оқу орнына медициналық анықтамасыз құжат өткізуге уақытша рұқсат берілді. Бұл туралы білім және ғылым министрлігінің баспасөз қызметі хабарлады, деп жазады Sputnik Қазақстан.
Министрлік білім беру ұйымдарына тиісті құжат тапсыру кезінде құжаттарды медициналық анықтамасыз қабылдауға уақытша рұқсат берді. Бұл шешім азаматтардың қауіпсіздігін қамтамасыз ету мақсатында және денсаулық жағдайы туралы медициналық анықтама алу кезінде туындаған қиындықтарға байланысты қабылданды.
«Электронды үкімет» egov.kz порталы арқылы құжаттарды жіберу барысында медициналық анықтамаларды өзіне байланысы жоқ себептермен ұсына алмайтын азаматтар үшін аталған анықтамаларды кейін ұсынуға мүмкіндік беретін функция іске қосылды. Қазір білім алушылар медициналық тексеруден өткені туралы анықтамасыз шартты түрде білім беру ұйымдарына қабылданады», — делінген министрлік ақпаратында.
Азаматтар анықтаманы оқу жылы басталғанға дейін мүмкіндік болған кезде тапсыра алады.
Фото pixabay.com сайтынан алынды
Оқи отырыңыз:
- Түркістан облысында тұрғындарды алдап, қаржы пирамидасына ақша салдыртқан алаяқ ұсталды
- Халал өнімдеріне қатысты өзгеріс енгізіледі
- Денсаулық министрі парацетамол тапшылығына кімдер кінәлі екенін айтты
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
