Жуырда әнші Ернар Айдар ұтыс ойындарын өткізіп тұрған сәтінде құқық қорғау органдарымен тұтқындалған болатын. Оған елдегі төтенше жағдай кезінде карантин режимін бұзғаны үшін айып тағылған, деп хабарлайды newsroom.kz.
Сондай-ақ ойынды ұйымдастырушылар да ұсталып, тергеу амалдары жүргізіліп жатыр. Алайда бұл келеңсіз оқиғаға өз тарапынан танымал әнші Мейрамбек Беспаев ағалық жанашырлық танытты.
«Соңғы күндері халықтың талантты ұлдарының бірі, белгілі Ернар Айдардың маңайында болып жатқан жағдайдан хабардар шығарсыздар. Мен Ернармен хабарластым. Өзі сіздерге хабар берейін десе, телефоны бұғаттаулы, себебі алаяқтар құрықталып, тергеу амалдары жүргізіліп жатыр. Сондықтанда мен болған жағдайды жеткізгелі отырмын. Бұл жағымсыз жағдайда алданғандар қатарында Ернар бауырымыз да алаяқтардың құрбаны болып отыр», — деп мән-жайды түсіндірді әнші.
Сонымен қатар «жаңылмайтын жақ, сүрінбейтін тұяқ жоқ» екендігін айтып, ақкөңілдігімен алаяқтарға құрбан болған оны қатты сөкпеуін өтінген.
«Өздеріңіз білесіздер, әнші ұлдарыңыз алдарыңызда талай өнер көрсетіп, қайырымдылық шараларының бел ортасында жүрді. Осындай келеңсіз жағдайға тап болған Ернар ініме сабыр тілеп, барша ағайынға Ораза айында кешірімді болуын сұраймын», — деді ол.
Елдің сүйікті әншісі әріптестеріне жеңіл табыс табуына құмартпауын ескертті.
Оқи отырыңыз:
- Пәтер жалдап тұратындар коммуналдық төлемге 15 000 теңге ала алмайды
- «Аштан өлеміз»! Төтенше жағдай әншілердің қалтасын жұқартқан
- Салықтық бақылау шаралары уақытша тоқтатылды
Фото: әлеуметтік желіден алынды
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
