Басты бет Әлем Оңтүстік Кореяда «Шырайлы Шымкент» дәмханасы ашылды (видео)

Оңтүстік Кореяда «Шырайлы Шымкент» дәмханасы ашылды (видео)

«Шырайлы Шымкент». Оңтүстік Кореяда осындай атаумен дәмхана ашылды, деп хабарлайды «Хабар 24».

Бұл атауды оған кәсіпкерлік нысанның иесі, Қазақстан азаматы берген.

Владислав Цой, тілші:

– «Шырайлы Шымкент» дәмханасы Ёнсанда орналасқан, егер корей тілінде жазу көп демесеңіз, құдды бір Қазақстандағы үшінші мегаполисте жүргендей сезінесіз. Ёнсан да Шымкент секілді мемлекеттің оңтүстігінде орналасқан, ауа райы да ұқсайды, қазір сынап бағанасы +20 градусты көрсетіп тұр. Ал тағамдардың дәмі қандай, оны сәл кейінірек айтамыз.

Ёнсан қаласы тұрғындарының алғашқы қазақша еттің дәмін тату сәті. Жылқы еті оларға ұнаған сияқты.

Пак Ман Хо, Ёнсан қаласының тұрғыны:

– Бұл корей тағамдарына ұқсайды. Ешқандай айырмашылық жоқ сияқты. Қазақ тағамдарын бірінші рет жеп тұрмын, бірақ қазақстандықтарды білемін. Олар осында жұмыс істейді. Корея үшін бұл үлкен көмек.

Баходыр Усманов, аспазшы:

– Қазақша ет, самса, кәуапқа көп тапсырыс беріледі. Оларға бәрі ұнайды.

Сәуле Қосақаева Ёнсанда жұмыс істейтін ТМД елдерінен келген достарының өтініші бойынша дәмхана ашқанын айтады. Ол өзі жергілікті зауыттарда жұмыс істеген, сондықтан шетелдіктерге корей тағамына үйрену қиын болатынын біледі.

Сәуле Қосақаева, дәмхана директоры:

– Қуырдақ, өзіміздің ет, бешпармақ дейді ғой. Нарын істейміз, сорпа, лағман. Етіміз халал. Халал сертификатымен аламын. Сондықтан сол етті жеу үшін көп мұсылман елдерінен келеді.

Владислав Цой, тілші:

– Қазының дәмін көрейік. Дәмді, Қазақстандағыдай.

Астан кейін қонақтар би билейді. Олардың арасында ең танымал ән Шымкентке арналған.

Сәуле оның күйеуі Чой Ён Джудың көмегінсіз дәмхана аша алмайтынын айтады. Олар екі жыл бұрын кездесіпті. Екеуінің де отбасылық өмір тәжірибесі болған. Қазір Ян Джудың бірінші некесінен ұлы Сәулені анасы ретінде санайды. Ал Ён Джу әйелінің балаларын Кореяға әкелгісі келеді.

Чой Ён Джу, Сәуле Қосақаеваның жұбайы:

– Оңалхан, Мерей, Мейірім – тек Сәуленің балалары емес менің де балаларым. Қазір Кореяда құжаттар комиссияда қаралуда. «Олар бір жыл күту керек», – деді. Рұқсат алғаннан кейін оларды бірден Кореяға әкелемін. Жаным ауырады. Мүмкін біздің жағдайымызды мемлекеттік орган өкілдері көріп, осы мәселені тезірек шешуге көмектесер деп ойлаймын.

Сәуле Кореяда тұратын мұсылман клиенттеріне нан, ет және сүт өнімдерін пошта арқылы да жібереді. Болашақта Кореяның басқа қалаларында да «Шырайлы Шымкент» дәмханасы ашылуы мүмкін.

Сәуле Қосақаева, дәмхана директоры:

– Кафе ашу үшін көптеген нәрселерден өтесің. Оның өзінің көптеген ережелері бар. Заңдары бар, солардың бәрінен өтіп ашу керек болады. Сәті түсіп жатса неге ашпасқа деп ойлаймын.

Оқи отырыңыз:

Біздің әлеуметтік желілердегі аккаунттарымызға жазылыңыздар:

Telegram, Instagram, Twitter, Facebook 

Сондайақ біздің Facebook тағы тобымызға қосылыңыздар

Соңғы жаңалықтар

Мұсылман зиратына тасталған нәресте шетінеп кетті

Қостанай облысында мұсылман зиратынан тастанды шақалақ табылды. Безбүйрек анасы бейітке қалдырып кеткен сәби шетінеп кетіпті, деп хабарлайды КТК телеарнасы. Пакетке оралған баланы ата-бабасына тағзым етуге...

Нұр-Сұлтанда жол апаты болды — 13 адам ауруханаға жеткізілді

Елордада сағат 18:00-де "КамАЗ" пен автобус соқтығысты, деп хабарлайды Sputnik Қазақстан полиция департаментіне сілтеме жасап. Құқық қорғау органының мәліметіне сәйкес, "КамАЗ" Ақжол көшесімен қозғалып келе...

Қордайдағы оқиға: Қамауға алынған кейбір күдіктілер босатылды

Қордай ауданындағы жаппай тәртіпсіздіктерге қатысы бар кейбір адамдар қамаудан босатылды, деп мәлімеді ҚР БП арнайы прокурорлары қызметінің жетекшісі Ризабек Ожаров ОКК-да өткен брифингте, деп...

1 маусымнан бастап елімізде қандай нысандар іске қосылады

Ведомствоаралық комиссия блок-бекеттерді алып тастау және бірқатар саланың жұмысын жандандыру туралы шешім қабылдады, деп хабарлайды zakon.kz. Бүгін ҚР Премьер-Министрінің орынбасары Ералы Тоғжановтың төрағалығымен Коронавирустың таралуына...

1 маусымнан бастап бүкіл Қазақстан бойынша блок-бекеттер алынып тасталады

1 маусымнан бастап бүкіл Қазақстан бойынша блок-бекеттер алынып тасталады, деп хабарлайды zakon.kz. Жалпы, Қазақстанда 313 халықаралық бағыттар жұмыс істейді, олар бойынша 610 автобусқа ие 88...

Алматы облысында 15 жасар қыз аяқ-астынан көз жұмды

Алматы облысында 2005 жылғы қыз кенеттен қайтыс болды. Оқиға орнына жеткен дәрігерлер оған көмектесе алмады, деп хабарлайды zakon.kz. Қайғылы оқиға туралы жазба Илзат Акчуриннің facebook-тегі...

14 жасқа дейінгі балалар ел ішінде ұшақпен тегін ұша алады

Мемлекет ата-аналары бірге ел ішінде саяхаттауға алып шыққан балалар тасымалы үшін әуе компанияларына ақы төлеуге дайын. Бұл туралы Туризм индустриясы комитетінің басшысы мәлімдеді, деп...