Оқушылардың демалысы: баламен бірге отырғаны үшін ақы төлене ме?

207
Фото: pixabay.com

Еңбек және халықты әлеуметтік қорғау министрлігі демалысқа ерте шығатын оқушылармен үйде бірге отыратын ата-анаға ақы төлеу мәселесін түсіндірді, деп хабарлайды Sputnik Қазақстан.

Бас мемлекеттік еңбек инсекторы Ербол Нұрғалиевтің айтуынша, күні кеше министрлік тиісті ұсыныстарды әзірлеп, облыс әкімдіктеріне таратқан. Ал олар жұмыс берушілер арасында түсіндіру жұмыстарын жүргізеді.

«Негізі қазіргі Еңбек кодексі бойынша ақылы еңбек демалысы кестемен беріледі, я болмаса, екі жақтың келісімі бойынша кез келген уақытта алуға болады. Бұл дегеніміз, заң жағынан ешқандай кедергі жоқ», — деді Нұрғалиев астанада өткен баспасөз мәслихатында. 

Айта кетейік, Қазақстанда коронавирусқа байланысты мектеп оқушыларын 16 наурыздан бастап демалысқа жіберу туралы шешім қабылданды. Осыған байланысты президент Қасым-Жомарт Тоқаев үйде балалармен бірге қалуға мәжбүр болатын ата-ананың біреуіне ақылы еңбек демалысын беру жөнінде жұмыс берушілермен жұмыс жүргізуді тапсырды.

Осы уақытқа дейін Қазақстанда 6 адам коронавирусқа шалдықты. Төртеуі – Алматыда, екеуі – Нұр-Сұлтанда.

Оқи отырыңыз:

Фото pixabay.com сатынан алынды