Басты бет Қоғам "Оқысаң, шошисың": Журналист полицейлер өліміне "қуанғандарды" орнына қойды

«Оқысаң, шошисың»: Журналист полицейлер өліміне «қуанғандарды» орнына қойды

25 мамыр күні Алматы қаласындағы №4 блок-бекетте екі полиция қызметкерінің өмірін қиған жол апаты болды. Осыдан кейін желіде қайғылы жағдайға байланысты пікір білдірушілердің қарасы көбейді. Оқырмандардың бір бөлігі көз жұмған тәртіп сақшыларына аяушылық білдірмеген. Белгілі жас журналист Абай Сейфуллаұлы марқұмдарға тіл тигізген желі қолданушыларын сабырға шақырды деп хабарлайды KAZ.NUR.KZ.

Бұл туралы ол Facebook желісіндегі парақшасында жазды.

«Алматыдағы блокпосттағы апат туралы Youtube-тағы сюжеттерді қарап шықтым. Коменттердің 90%-ында өмірден өткен полицейлерге аяныш болмаған».

«Сауап!», «Екі ментке азайып, жақсы болып қалды», «Құдай жазаларын берді, халық қарғысы» деген мазмұнағы мыңдаған пікірлер. Оқысаң шошисың енді. Біраз адам «блокпостты алып тастамағанның кесірі, карантиннен шаршадық» деген ой айтыпты.

Сосын Instagram-ды қарадым. Ол жақтағы комментарийлерде көпшілігі полицейлер өліміне себеп болған мас жүргізушіні жазғырып, неғұрлым қатаң жаза беруді сұраған, «Иманды болсын» дескен.

Екі желі екі түрлі әлем сияқты. Мұндай оқиғалар кезінде Facebook аса белсенді емес екен. Қызық.

Не де болса, қазақтардың адам өлгенде бір ауыз «арты қайырлы болсын» дей алмауы қорқытады…

Ал ІІМ қызметкерлерінің имиджі, жұмысы туралы шын ойланбаса, мына құбылыс қауіпті деп ойлаймын, оның үстіне соққан жігіт те бұрынғы полицей», — деді ол.

Еске сала кетейік, екі полиция қызметкерінің өмірін жалмаған жол апаты 25 мамырда таңғы сағат 5.30-да Көксай ауылындағы блок-бекетте болған.

BMW көлігінің жүргізушісі, 1992 жылы туған ер адам әуелі бетон қоршауға соғылып, содан кейін полиция қызметкерлерінің көлігіне соқтығысқан. Көлік ішінде қос бірдей полиция қызметкері отырған.

Алған жарақаттарының салдарынан оқиға орнында полиция аға лейтенанты Жалғас Жанғазиев қайтыс болса, оның әріптесі полиция сержанты Дастан Әбдіқанов ауыр халде ауруханаға жеткізіліп, сол жерде есін жимастан көз жұмған.

Осыдан кейін күдіктіге қатысты әлеуметтік желіде түрлі деректер шықты. Оның тәртіп сақшысы болғандығы да айтылды.

Осыған байланысты Алматы полиция департаменті пікір білдіріп, жантүршігерлік жол апатына күдікті — полиция қызметкері деген ақпаратты жоққа шығарды.

Ал кеше құзырлы орган жол апатына кінәлі азаматтың бұрын құқық қорғау органдарында қызмет еткенін растады. Департамент күдіктінің осыған дейін өз қызметіне салғырт қарағаны үшін жұмыстан қуылғанын мәлімдеді.

Фото: polisia.kz

Оқи отырыңыз:

Біздің әлеуметтік желілердегі аккаунттарымызға жазылыңыз:

Telegram, Instagram, Twitter, Facebook 

Сондай-ақ біздің Facebook –тегі тобымызға қосылыңыз

Соңғы жаңалықтар

АртСпорт туралы мәселе әлеуметтік желіде қызу талқыға түсіп жатыр

Танымал блогер Алмас Тоқабай өзінің фейсбуктегі парақшасында АртСпорт туралы пікірін жазды, деп хабарлайды MediaWorld.kz. Оның айтуынша, өзі қолға алған  #Ауылфутбол жобасы Арт-Спорттың орынсыз талаптарына байланысты...

Алматыда энергетикалық жобаларды талқылады

Алматы ЖЭО-2-ні газға ауыстыру жобасы бойынша 2023 жылдың ақпан айында жаңа бу-газ қондырғысын салуға арналған тендердің бірінші кезеңінің қорытындысы шығарылатын болады. Осы жылы станцияда...

Кішкентай балаға хижама жасаған факт бойынша тергеу басталды

Бұл туралы Денсаулық сақтау министрі Ажар Ғиният айтты, деп жазады inbusiness.kz. Айта кетсек бұған дейін әлеуметтік желіге емшектегі балаға хижама жасап жатқан баланың видеосы тараған...

Былтыр 728 мыңнан астам адам атаулы әлеуметтік көмек алды

2022 жылы атаулы әлеуметтік көмек (АӘК) 141,5 мың отбасынан 728,7 мың адамға тағайындалды, бұл мақсаттарға бюджеттен 59,5 млрд теңге бөлінді, деп хабарлайды Sputnik Қазақстан...

Тауар нарығындағы бәсекелестіктің жай-күйіне талдау жүргізіледі

Қазақстан Республикасы Бәсекелестікті қорғау және дамыту агенттігі жекелеген тауар нарықтарындағы бәсекелестіктің жай-күйіне жыл сайынғы негізде жоспарлы талдау жүргізеді, деп хабарлайды inbusiness.kz. Талдау нәтижелері экономиканың әртүрлі...

Әскерилер өңір жастарына әскери қызмет туралы айтып берді

Қорғаныс министрлігінің ақпараттық-түсіндіру тобы Қызылорда облысында болды. Қорғаныс ведомствосы басшысының тапсырмасы бойынша Қарулы күштердің өкілдері болашақ Отан қорғаушылармен кездесті. Қызылорда қаласында, Шиелі, Жаңақорған аудандарында жалпы...

Ауырып ем іздегенше…

Елімізде қатерлі ісікке шалдыққан науқастар саны артып барады. Бейресми дерекке сүйенсек, жыл сайын 15 мыңнан астам отандасымыз осы аты жаман аурудан бақилық болады екен....