Батыс Қазақстан облысының тергеу изоляторында бойжеткен асылып қайтыс болды. Қыз колготкиін пайдаланған, оның бір ұшын терезе торына, екіншісі мойнына байлаған, деп хабарлайды zakon.kz.
«Уральская неделя» марқұмның есімі Ирина Лапина екенін жазады. Ол колготкиінің бір ұшын терезе торына, екінші ұшын мойнына байлаған. Оның денесі 8 мамырда сағат 15.30-да табылды.
Түрме қызметкерлері бірден жедел жәрдем көлігін шақырды. Мәйітті қарау кезінде ешқандай дене жарақаты табылмаған. Өлімнің себебі механикалық асфиксия деп аталды.
«Мен марқұмның денесін зерттедім (менің қызметімнің құзыретіне қарай), сараптама кезінде қыздың мойнында із болды, басқа жарақат болған жоқ. Сондай-ақ қызбен бір камерада болғандармен сұқбаттастым. Басында Иринамен бір камерада болып, кейін басқасына ауыстырылған қызбен сөйлестім. Алдыңғы және соңғы камерадағылар да қыздың жағдайына қатты алаңдаулы. Олар қыздың анасы келмей кеткендіктен ренжіп, камерадағы адамдардың сөзіне жауап бермегенін айтты», — дейді БҚО бойынша адам құқықтары жөніндегі халықаралық бюроның басшысы Павел Кочетков.
Құқық қорғаушы қыздың медициналық картасындағы қорытындысы оның денсаулығына қатысты ешқандай проблемалар жоқтығын көрсетенін айтты. Қайғылы оқиға болған кезде бәрі әдеттегідей болған. Күдік туғызатын жалғыз нәрсе — Ирина тыныстауға берілген уақытта сыртқа шығудан бас тартқан. Серуеннен оралған камерадағы қыздар оны асулы күйі тапқан, олар бірден түрме қызметкерлерін шақырған.
Қылмыстық-атқару жүйесі департаменті марқұмның камерада өлер алдында жазып қалдырған ешқандай хаты табылмағанын, қазір марқұмның денесі туыстарына тапсырылғанын айтты.
Енді Орал қалалық полициясы «сотқа дейінгі тергеу мәліметтерін жариялауға жол берілмеу» бабы бойынша сотқа дейінгі тергеуді бастады. Олар прокурордың рұқсатымен ғана жария етілуі мүмкін, егер бұл тергеу мүдделеріне қайшы келмесе және басқа адамдардың құқықтары мен заңды мүдделерін бұзумен байланысты болмаса.
Ирина Лапина өгей әкесін өлтіргені үшін 9 жылға сотталды. Ер адам анасы мен жас әпкесін қорлап, мазасын алатын болған. 2019 жылы 10-шы сыныпта оқып жүргенде Ирина досымен бірге өгей әкесін өлтіреді. 19 жастағы досы болса, 15 жылға сотталды.
Оқи отырыңыз:
- Павлодарда кәмелеттік жасқа толмаған қызды зорлаған азамат сотталды
- Startup Monthly Ventures компаниясының негізін қалаушы және бас директоры Astana Hub онлайн-жобасының сарапшысы болады
- Нұр-Сұлтанда әкім қызметінен кетті
Фото: «Уральская неделя»
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
