Ораза кезінде жиі қойылатын сұрақтардың бірі бетке крем жағып, боянуға бола ма? Бұл сауалға Ақтөбе облыстық «Нұр ғасыр» мешітінің ұжымы жауап берді деп хабарлайды KAZ.NUR.KZ.
Дін өкілдерінің сөзінше, терідегі ұсақ тесіктер арқылы ет пен терінің арасына сіңетін заттар оразаны бұзбайды.
«Мысалы, крем жағу, май жағу, судың ішінде ұзақ тұруға және жараның бетіне дәрі таңуға болады. Тек крем мен майды пайдаланған кезде қатты қалыңдатпаған жөн. Себебі, қалың жағылған крем не май дәрет алған кезде суды теріге жібермеуі мүмкін. Расында оразаны сырттан ішке кірген нәрселер бұзады. Сондықтан бетке, қолға жағылған түрлі жақпаларды лак секілді заттарды қолдану оразаға кедергі емес. Алайда аталмыш майлар, лактар денеге су өткізбейтін болғандықтан құлшылық үшін алынатын дәреттен бұрын сүртіп не өшіру қажет болады», — дейді мамандр.
Сонымен қатар дін мамандары ораза кезінде біреуге тіл тигізіп, ғайбат сөйлеп, өсек айтудан тыйылуға шақырды.
Бұл оразаны бұзбағанымен, шариғатта біреудің сыртынан жамандап ғайбат айту, сөз тасу үлкен күнә дейді мамандар.
Оқи отырыңыз:
- Әлеуметтік желіде тыйым салынған дәрістер насихатталғаны анықталды
- Нұр-Сұлтан – Алматы бағытындағы ұшақ билетінің бағасы белгілі болды
- «Науқастардың 90 пайызы коронавирус анықталғандармен байланыста болған» – Бекшин
Фото pixabay.com сайтынан алынды
Біздің әлеуметтік желілердегі аккаунттарымызға жазылыңыз:
Telegram, Instagram, Twitter, Facebook
Сондай-ақ біздің Facebook –тегі тобымызға қосылыңыз
