«Қоршаудан секірді»: астаналық оқушылардың ата-анасы мектептегі жағдайды көрсетті

Фото: видеоның скриншоты

Елордадағы 69-мектеп оқушыларының ата-анасы ғимарат маңындағы шалшықтың тазаланбағанына наразы. Оқушылар мектептен жіңішке қарағайды басып шыққан. Енді біріне қоршаудан секіруге тура келді, деп хабарлайды Sputnik Қазақстан.

Фото: видеоның скриншоты

Сәрсенбі, 26 ақпан күні астанада жаңбыр жауды. Қалада жүру қиындап кетті. Шығыс Ильинкадағы (Қараөткел елдімекені) 69-мектеп оқушылары, тіпті, мектептен шыға алмады.

«Кеше 69-мектеп маңында шалшық болды. Балалар қарағайды басып, мектептен шықты. Шығаберісте кезек болды. Кезекте тұрғысы келмегендер қоршаудан секіріп өтті. Кейбір балалар құлады. Өйткені шалшықтан бөлек, көктайғақ болды», — деді оқушының анасы Эльмира Қасымова.

Видео Facebook-тегі «Астана, хочу похвалить/пожаловаться» тобында жарияланды.

Бейсенбі, 27 ақпан күні астанада жаңбыр басылып, боран мен көктайғақ болды.

Қалада дабылды ескерту жарияланрды. Ұшақ рейстері тоқтатылды. Барлық жолдар жабылды.

Оқи отырыңыз: