Болат Бақауов, әдеттегідей, штаттық режимде жұмысын істеп жатыр, деп хабарлайды zakon.kz.
Бұл туралы Павлодар облысы әкімінің баспасөз қызметі хабарлады.
«Қазіргі уақытта облыс әкімдігінің басшылығы, әдеттегідей, жұмыс істеп жатыр. Облыс әкімі орнында жоқ, бірақ ол жұмыс бабымен қала ішінде жүр. Таңертең ол Инвесторлар үйінде жиналыс өткізуі керек еді, бірақ жұмыс кестесінің сәйкес келмеуіне байланысты отырысты оның орынбасары Арыстан Қабикенов өткізді», делінген хабарламада.
15 қаңтарда ҚР ҰҚК қызметкерлері Павлодар облысының әкімі Болат Бақауовты ұстағаны туралы ақпарат пайда болды.
Одан бөлек Бақауовтың үстінен Павлодар облысының жоғары лауазымды тұлғаларының бірі арызданған деген мәлімет жарияланды.
Павлодар облысының әкімі Болат Бақауовтың ұсталғаны туралы хабарламадан кейін оның Instagram парақшасында жазба жарияланды.
Кейбір ақпарат көздері Павлодар облысының әкімі Болат Бақауовтың ұсталғаны туралы ақпараттың расталмағанын хабарлады.
Ал бүгін, таңертең павлодар облысы әкімдігінде Болат Бақауовтың қатысуымен өтуі тиіс екі жиын болмай қалған.
«16 қаңтарда Павлодар облысы әкімдігінде жоспарланған мүгедек топқа жататын қала тұрғындарымен кездесуге арналған Туризм және спортты дамыту департаментіндегі, сонымен қатар, Қоғамдық даму, ақпарат және мәдениет басқармасы, тілдерді және мұрағаттарды дамыту басқармасындағы алқалы жиындар болмайтын болды», делінген облыс әкімінің баспасөз қызметінің хабарламасында.
Оқи отырыңыз:
- Алматы мемлекеттік кірістер басқармасында парақорлар ұсталды
- Өңір әкімдерінің көбісі өзін Құдайдай сезінеді – саясаттанушы
- «Үнемі күліп шығатын»: Изоляторда көз жұмған алматылық жігіттің ағасы мәлімдеме жасады
