Басты бет Оқиға Планшетке таласып, қарындасының басын жарып өлтірді (видео)

Планшетке таласып, қарындасының басын жарып өлтірді (видео)

Планшетке таластың соңы қайғылы аяқталды. Таразда туған қарындасын өлтірді деген күдікпен 15 жастағы бала ұсталды, деп хабарлайды КТК телеарнасы.

Сұмдық оқиға қаланың шеткі ауданында болды. Қаралы үй. Аулада қаптаған адам. Бірақ қайғыдан қан жұтқан жандардың ешкіммен сөйлесуге зауқы жоқ.

Қанды қылмыс түнгі 12 шамасында болыпты. Ауылдастардың айтуынша, ағасы мен қарындасы арасындағы планшетке талас күндіз басталған. Тіпті осы даудан кейін 10 жастағы қыз көршінің үйіне қашып келген.

Шынар Мырзахметова, көршісі:

— Қызды үйден шығарып жіберген. Келіп біздің талдың астына жатты. Қатты жауын жауып тұрды. Үстіне жабатын көрпеше алып жатты. Менің қолшатырымды алды. Сындырып қоя ма деп, қайтарып алдым. Сосын үйіне кеткен.  

Үйіне қайта оралған жеткіншекті өзінің туған ағасы тәтті ұйқыда жатқан жерінен балғамен ұрып өлтірген дейді көршілері. Ал денесін далаға сүйреп шығарып тастап, өзі түк болмағандей көппен бірге бауырын іздеген көрінеді.

4-сынып оқушысының өлі денесі көрші үйдің маңындағы бағананың түбінен табылған. Оны ең алғаш ауылдастың бірі анықтап, дереу жедел жәрдем шақыртыпты. Сол куәгердің айтуынша, марқұмның басына қатты соққы тиген болуы мүмкін. Әрі ол жойқын болса керек. Себебі, оның бас сүйегі жарылып кеткен.

— Көргенімді сөзбен айтып жеткізу қиын. Әлі өз-өзіме келе алатын емеспін. Басы қақ айырылған. Миы шашылып кеткен. Айналаның бәрі қан.

Тәртіп сақшылары бұл дерекке қатысты толық ақпар бермеді. Тек қайғылы жағдайдың болғанын және күдіктінің қамауға алынғанын растады.

Жандос Мәметқұлов, Тараз қалалық ПБ 2 полиция бөлімі бастығының орынбасары:

— Тергеу амалдарын жүргізу барысында жәбірленушінің ағасы 15 жасар күдікті анықталып ұсталды. Аталған дерек бойынша ҚР ҚК 99- бабы 3-тармағы (жас баланы өлтіру) бойынша сотқа дейінгі тергеу жүргізілуде.

Күдіктіге қатысты күзетпен ұстау түріндегі бұлтартпау шарасы белгіленіп, Тараз қаласының тергеу изоляторына қамалды.

15 жастағы бала қарындасын өлтірді дегенге көршілерінің көбі сенбейді. Ол тумысынан момын, жуас еді деп отыр. Ал қаза тапқан 10 жастағы қыз төрт  жылдан бері каратэмен шұғылданған екен. Айта кететін жағдай, бір перзентінен айрылып, екіншісі сотталғалы жатқан ерлі-зайыптының бес баласы болған.

Оқи отырыңыз:

Фото pixabay.com сайтынан алынды

Біздің әлеуметтік желілердегі аккаунттарымызға жазылыңыз:

Telegram, Instagram, Twitter, Facebook 

Сондай-ақ біздің Facebook –тегі тобымызға қосылыңыз

Соңғы жаңалықтар

Қостанай саябағында жасөспірімдерді соққыға жыққандар ұсталды

Қостанай облысы полиция департаментінің қызметкерлері қала саябағында кәмелетке толмағандарды соққыға жыққан төрт жігітті ұстады. Бұзақылық фактісі бойынша сотқа дейінгі тергеу басталды, деп жазады Sputnik...

«Ретке келтіру керек»: Әлихан Смайылов қант бағасына қатысты пікір білдірді

Үкіметтің цифрлық кеңсесінде премьер-министр Әлихан Смайылов әлеуметтік маңызы бар азық-түлік тауарларының бағасын ұстап тұру мәселелері жөнінде кеңес өткізді, деп хабарлайды KAZ.NUR.KZ primeminister.kz сайтына сілтеме...

«Теміртау» ХК таратыла ма?: Облыс әкімі жауап берді

Қарағанды облысының әкімі Жеңіс Қасымбек «Теміртау» хоккей клубы қызметін жалғастыратынын айтты, деп жазады bassport.kz. Орталық коммуникациялар қызметі алаңында өткен баспасөз мәслихатында облыс басшысына: «Өңірде 3...

Катонқарағайда «Алтайдай жер қайда?!» халықаралық ақындар айтысы өтеді

1 шілдеде Шығыс Қазақстанның көрікті жері Катонқарағайда «Алтайдай жер қайда?!» халықаралық ақындар айтысы өтеді. Оған Қазақстандық айтыскер ақындармен бірге Өзбекстан, Қырғыз, Моңғолия елдерінен де...

Қазақстан басқа мемлекеттерден 100 мың тонна қант сұрады

Қазір елімізде 350 мың тонна қор бар. Бұл туралы Премьер-Министрдің орынбасары – Сауда және интеграция министрі Бақыт Сұлтанов айтты, деп хабарлайды inbusiness.kz. "Қазір 350 мың...

Сауда министрі қант бағасы туралы: қаласаң да, қаламасаң да өседі

Вице-премьер, сауда және интеграция министрі Бақыт Сұлтанов азық-түліктің қымбаттауына қатысты түсініктеме берді, деп хабарлайды Sputnik Қазақстан. Айтуынша, Қазақстанда негізгі азық-түлік тауарлары бойынша тапшылық жоқ. Тек...

Алматы облысында тұрғындар өз күшімен екі көшеге асфальт төсеп тастады (фото, видео)

Алматы облысы Қарасай ауданына қарасты Абай ауылында екі көшенің тұрғындары бірігіп, өз күшімен асфальт төседі. Бұл туралы ауыл тұрғыны әрі журналист Гүлвира Биғалиева мәлімдеді,...